Bakı metropoliteni xəttlərinin konseptual inkişaf sxeminə uyğun olaraq yeni stansiyalar tikilir.
Milli.Az baku.ws-ə istinadən xəbər verir ki, perspektiv plana əsasən, ümumi uzunluğu 28,5 km olacaq mövcud Qırmızı xətt Badamdar qəsəbəsindən başlayaraq Zığ qəsəbəsinədək uzanacaq.
19 stansiyadan ibarət olacaq xəttin 13 stansiyası və 1 elektrik deposu istismardadır. Layihədə "İçərişəhər" stansiyasından sonra 4, "Həzi Aslanov" stansiyasından sonra 2 stansiyanın inşası nəzərdə tutulub.
Ümumi uzunluğu 41,8 km olacaq Yaşıl xətt Xətai, Nəsimi, Yasamal, Binəqədi, Nəriman Nərimanov, Nizami, Sabunçu və Suraxanı rayonlarını əhatə edəcək.
Perspektiv inkişaf planına uyğun olaraq, gələcəkdə bu xətt üzrə Bakı metrosunda ilk dəfə qatarların dairəvi hərəkəti təşkil olunacaq. 23 stansiyası olacaq xəttin hazırda 10 stansiyası istismardadır. Xəttin bir elektrik deposu inşa olunur, daha biri isə layihələndirmə mərhələsindədir.
Perspektiv inkişaf planına uyğun olaraq, "28 May" stansiyasının layihəsini dəqiqləşdirərək yenidən qurulmasının başa çatdırılması ilə mövcud Qırmızı və Yaşıl xətlərin ayrılması onların hər birində qatarların sərbəst hərəkətinin təşkili nəzərdə tutulub.
Uzunluğu 18,5 km olacaq Bənövşəyi xətt Xocəsən qəsəbəsindən başlayaraq Qaraçuxur qəsəbəsinədək uzanacaq. Metropolitenin perspektiv inkişaf planının birinci prioritet istiqamətinə daxil olan Bənövşəyi xəttin "Avtovağzal" və "Memar Əcəmi" stansiyaları 2016-cı il aprel ayının 19-da sərnişinlərin istifadəsinə verilib.
Bu xətt üzrə 6-sı keçid olmaqla,10 yeni stansiya inşa olunmalıdır. Hazırda Xocəsən qəsəbəsində Bənövşəyi xəttin deposunun, eləcə də Ceyhun Səlimov küçəsində 3-cü stansiyasının tikintisi davam edir.
Uzunluğu 16,3 km olacaq Mavi xətt Yeni Yasamal yaşayış sahəsindən başlayaraq Sabunçu rayonunun Bakıxanov qəsəbəsinə qədər uzanacaq. Xətt üzrə 7-si keçid olmaqla, 11 stansiya və 1 elektrik deposu tikiləcək.
Uzunluğu 14,7 km olacaq Sarı xətt Binəqədi rayonundan başlayaraq Səbail rayonunun Bayıl qəsəbəsinədək uzanacaq. Bu xətdə 5-i keçid olmaqla, 11 stansiya və 1 elektrik deposu inşa olunacaq.
Perspektiv inkişaf planına uyğun olaraq yeni xətlərin tunel, stansiya və depolarının inşası ilə yanaşı, mövcud stansiyaların mərhələlərlə yenidən qurulması və müasir avadanlıqlarla təchiz olunması, dərin özüllü birçıxışlı stansiyaların ikinci çıxışlarının tikintisi aparılır.
"Bakı Metropoliteni Xətlərinin Konseptual İnkişaf Sxemi"nə əsasən gələcəkdə metropolitenin ümumi şəbəkəsi 3 mövcud (Qırmızı, Yaşıl və Bənövşəyi) və 2 əlavə yeni xətt (Mavi və Sarı) olmaqla, 5 xətdən, 76 stansiyadan, 6 elektrik deposundan və 119,1 km metro xəttindən ibarət olacaq. Metropolitenin 51 yeni stansiyanın inşa edilməsi və 84,3 km metro xəttinin çəkilməsi nəzərdə tutulub.
Milli.Az
Ölkə
VTB-də minimal faiz dərəcəsi ilə nağd kredit 10.49%-dən
Bakıda yeni metro stansiyaları bu ərazilərdə olacaq - Zığ, Bayıl, Yeni Yasamal... - XƏRİTƏ
15 Noyabr 2019 13:04
5 Şərh
Baxış: 7 949

Məqaləyə dair fotomateriallar:
DİGƏR XƏBƏRLƏR
XƏBƏR LENTİ
-
Ronaldo buna görə dəfninə GETMƏYİB - Yenilənib - FOTOlar
-
“Bentley” loqosunu yenilədi - FOTO
-
Bakıda ağac "Baku Bus" un üzərinə AŞDI - FOTO
-
Avtobil AŞDI - Şəhid atası öldü
-
"Bavariya" ulduz ilə vidalaşdı
-
Xankəndidə xüsusi təyinatlı və hərbi geyimlər istehsal olunacaq - FOTO
-
Məmmədmirzə Ağayev vəfat etdi
-
"3 günə 8 cərimə balı və 300 manat cərimə" - FOTO
-
41 min abituriyent imtahan verdi - YENİLƏNİB
-
Tramp yatmazdan əvvəl arvadını belə çağırır
-
"Bu, İsrail üçün qəbuledilməzdir"
-
Azərbaycandan Keniyada gənclər mərkəzinin yaradılmasına maliyyə yardımı - FOTO
-
Jota və Rutenin 13 illik sevgi HEKAYƏSİ - FOTO
-
Zaurun efirində gözlənilməz "qonaq" - VİDEO
-
Bakıda qızlar saçyolduya çıxdı: bir-birini yerdə SÜRÜDÜLƏR - VİDEO
-
Ərəblərin ən bahalı alış-verişləri - 500 milyonluq...
-
Sabah hava necə olacaq?
-
"Sülh prosesi Azərbaycan və Ermənistanın rəhbərliyi altında həyata keçirilməlidir"
-
Suriya kəşfiyyatında yeni GÜC: Əhməd Dalati kimdir?
-
Muhittin Böcek həbs olundu
-
Taleh Yüzbəyovun xanımı: “Boşanma qərarı almışıq, 12 gün ayrı...”
-
Hunday sürücüsünün halı pisləşdi - maşın beton arakəsməyə ÇIRPILDI - FOTOlar
-
"Trampla ən yaxşı telefon danışığım oldu"
-
Vanqadan 2025-ci il üçün ən dəhşətli PROQNOZ