Ölkə

Deputatın “Porsche"si ilə qəza törədən şəxsdən XƏBƏR VAR

20 Avqust 2019 13:59
3 Şərh     Baxış: 2 097

Bakıda ölümlə nəticələnən yol-nəqliyyat hadisəsi törətməkdə təqsirləndirilən Fərdi Abasov barəsində olan hökmdən verilən apellyasiya şikayəti üzrə məhkəmə iclası başa çatıb.

Milli.Az Unikal.org-a istinadən xəbər verir ki, Bakı Apellyasiya Məhkəməsinin hakimi Elmar Rəhimovun sədrliyi ilə keçirilən prosesdə qərar elan olunub.

Qərara görə, F.Abasovun apellyasiya şikayəti təmin edilməyib, birinci instansiya məhkəməsinin çıxardığı hökm dəyişdirilmədən saxlanılıb.

Qeyd edək ki, hadisə ötən il Xəzər rayonu Qala qəsəbəsi ərazisində baş verib. Həmin ərazidə F.Abasovun idarə etdiyi "Porsche Cayenne GTS" markalı, 90 FC 111 dövlət qeydiyyat nişanlı avtomobil Mərdəkan istiqamətində hərəkət edərkən 1975-ci il təvəllüdlü Hüseynova Sevinc Cabir qızını vurub. Zərbənin gücündən yolun əks istiqamətinə düşən qadın Azər Əliyevin idarə etdiyi "Wolksfagen Passat" markalı, 99 CD 689 nömrə nişanlı avtomobilin altında qalıb və keçinib.

Daha sonra qəzanı törədən F.Abasov və A.Əliyev cinayət məsuliyyətinə cəlb edilib.

Xəzər Rayon Məhkəməsi A.Əliyevin barəsində bəraət hökmü çıxıb. Hökmə əsasən, F.Abasov 3 il 3 ay 9 gün müddətinə azadlıqdan məhrum edilib. O, cəzasını məntəqə tipli cəzaçəkmə müəssəsində çəkəcək. Hökmdən narazı qalan F.Abasov apellyasiya şikayəti verib. O, barəsində bəraət hökmünün çıxarılmasını istəyir.

Xatırladaq ki, "Porsche Cayenne GTS" markalı avtomobil Milli Məclisin deputatı Cavanşir Feyziyevin adınadır. O, zərərçəkmiş qismində tanınıb.

Milli.Az

loading...

Şərh yaz:

3 Şərh:

  • Anonim
    Eynur · 20 Avqust 14:5750

    Insan heyatini itrib 3il 3 ay 9 kun heps verilib onan da narazi qalib ancaq 011 vursaydi 13-15 il kureyinde idi

    Cavab yaz
  • Anonim
    Kisi kimi qadin · 20 Avqust 18:5210

    Beləda cəza olar,Bir qadin,bir ana,bir övlad,bir baçi masinla vurulub.3il nə imis,yəqin tanisliqla olub

    Cavab yaz
  • Anonim
    J · 20 Avqust 20:3300

    Bir ilden sonra melum olacaq ki,hec gunahi olmayib.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.