Ölkə

AQTA Qəbələdə toyda baş verən kütləvi zəhərlənmə ilə bağlı araşdırmalara başladı

6 Avqust 2019 10:14

1 Şərh Baxış: 1 335

VTB-də minimal faiz dərəcəsi ilə nağd kredit 9.9%-dən

#TOY #ZƏHƏRLƏNMƏ #QİDA TƏHLÜKƏSİZLİYİ

Azərbaycan Qida Təhlükəsizliyi Agentliyi (AQTA) Qəbələnin Zərgərli kəndində keçirilən toy mərasimində baş verən kütləvi zəhərlənmə ilə bağlı araşdırmalara başlayıb.

Bu barədə Milli.Az-a Agentlikdən məlumat verilib.

Məlumatda bildirilir: "Hazırda daxil olmuş məlumat əsasında Qida Təhlükəsizliyi Agentliyinin mütəxəssislərindən ibarət işçi qrupu araşdırmalara başlayıb. Araşdırmaların nəticələri ilə bağlı ictimaiyyətə məlumat veriləcək".

Xatırladaq ki, Qəbələnin Zərgərli kəndində keçirilən toy mərasimindən sonra qida zəhərlənməsi ilə əlaqədar Mərkəzi Rayon Xəstəxanası və Diaqnostika Mərkəzinə müraciət edənlərin sayı 75 nəfərə çatıb. Onların 16-sı qadın, 7-si uşaq, qalanları kişilərdir.

Milli.Az