Ölkə

Təqaüdçülərin pulunu dələduzluqla mənimsəyən şəxs ələ keçdi

7 Mart 2019 18:27
Baxış: 600

Daxili İşlər Nazirliyinin Mətbuat Xidmətinin Lənkəran regional qrupundan Milli.Az-a verilən məlumata görə, Biləsuvar rayonunun Nərimankənd kənd sakini T. İsayev Biləsuvar rayon polis şöbəsinə müraciət edərək bildirib ki, martın 5-də rayon ərazisində yerləşən bankomatlardan birinə təqaüdünü almaq üçün yaxınlaşıb. Yaşlı olduğundan pulu çıxarmaq üçün tanımadığı şəxsdən kömək istəyib, lakin sonuncu onu aldadaraq kartda pul olmadığını deyərək kartı qaytarıb və dələduzluq yolu ilə zərərçəkmişin 200 manat pulunu mənimsəyib.

Polis əməkdaşlarının keçirdikləri əməliyyat-axtarış tədbirləri ilə faktı törətmiş şəxs müəyyən edilərək saxlanılıb. Onun əvvəllər də eyni əmələ görə məhkum olunmuş İlqar Eminov olduğu məlum olub. Araşdırmalarla İ.Eminovun eyni yolla daha iki rayon sakini olan təqaüdçünün ümumilikdə 185 manat pulunu mənimsədiyi aşkar edilib. Faktla bağlı araşdırma aparılır.

İ.Eminovun əməllərindən zərərçəkən başqa vətəndaşlar varsa DİN-in "102 xidməti-zəng mərkəzi"nə məlumat vermələri xahiş olunur.
 

Pünhan Mirzə
Milli.Az

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.