Ölkə

Məktəbə qəbul qaydalarında dəyişiklik - Mənfi halların qarşısı alınacaq

3 Mart 2017 11:42
13 Şərh     Baxış: 5 904

Əvvəlki illərdən fərqli olaraq bu il Bakıda sentyabrda məktəblərdə birinci sinfə gedəcək uşaqların qeydiyyatına hələ də başlanılmayıb.

Bununla bağlı bir neçə valideyn Milli.Az-a müraciət edərək narahatlıqlıqlarını bildiriblər.

Onların sözlərinə görə, müraciət etdiklərində bir neçə məktəbdə onlara deyiblər ki, məktəbə qəbulla bağlı yeni sistem yaradılacaq. "Əvvəl demişdilər ki, qəbul fevralın əvvəlində başlayacaq, sonra fevralın sonuna dedilər. İndi artıq martın əvvəlidir, amma hələ də xəbər yoxdur. Bu azmış kimi deyirlər ki, Təhsil Nazirliyi bu ildən birinci sinfə qəbulu yalnız yaşayış yerinə görə edəcək".

Valideynlərin narahatlığına aydınlıq gətirmək üçün Bakı Şəhəri üzrə Təhsil İdarəsinə müraciət etdik. İdarədən bildirdilər ki, məsələ ilə bağlı hələlik yenilik yoxdur, onlar da Təhsil Nazirliyindən xəbər gözləyirlər. Lakin yenilik olan kimi ictimaiyyətə dərhal məlumat veriləcək.

Milli.Az-ın Təhsil Nazirliyindəki mənbələrdən əldə etdiyi məlumata görə isə, şagirdlərin ümumtəhsil məktəblərinə qəbulu və yerdəyişməsi haqqında qaydalarda, həqiqətən də, dəyişikliklər olacaq və qəbulun gecikməsinin səbəbi də məhz bununla bağlıdır. Bununla əlaqədar yaxın günlərdə ayrıca əmrin imzalanacağı və prosesə start veriləcəyi gözlənilir.

Mənbə yenilikləri tam açıqlamasa da, yeni sistemin məktəbə qəbulda şəffaflığın təmin olunmasına yönəldiyini, qəbul zamanı valideynlərin işinin xeyli yüngülləşdirəcəyini, valideyn-məktəb ünsiyyətini minimuma endirəcəyini, bununla da bir sıra neqativ halların və süründürməçiliyin qarşısını alacağını bildirib.

Qeyd edilib ki, məktəbə qəbulla bağlı vahid elektron baza olacaq və valideynlər də övladlarının sənədlərini birbaşa elektron yolla təqdim edəcəklər. Valideyn internet vasitəsilə məktəbi seçəcək və sənədləri elektron qaydada yollayacaq. Hətta qəbul prosesində uşağın psixoloji durumu da məktəbdə yoxlanılmayacaq, uşağı əvvəlcə görüb onunla söhbət etməyi də heç kim tələb etməyəcək. Sadəcə bu barədə təqdim olunan müvafiq tibbi arayışa etibar olunacaq.

Ərazi məsələsinə gəlincə, təbii ki, üstünlük məktəbin yaxınlığında yaşayan uşaqlara veriləcək, amma digərlərinin də həmin məktəbə qəbulu üçün hər hansı məhdudiyyət olmayacaq. Bununla yanaşı, məktəblərin bir neçə kateqoriyaya bölünəcəyi də istisna edilmir.

Orta məktəblərə qəbul qaydalarındakı yeniliklərin bütövlükdə nədən ibarət olması böyük ehtimalla müvafiq əmrin imzalanmasından sonra ən qısa müddətdə ictimiayyətə açıqlanacaq.

İlkin İzzət
Milli.Az

Digər maraqlı xəbərlər Milli.Az-ın Facebook səhifəsində

loading...

Şərh yaz:

13 Şərh:

  • Anonim
    Jale · 3 Mart 2017 11:4803

    Tamamile raziyam.. kim harada yashayir, ora yaxin mektebdede oxumalidir( dovlet mektebleri nezerde tutulur). Deb dushub, ushagi hardan- hara dashiyirlar ki, guya " prestijli" mektebde oxusun.. Onsuzda umumtehsil mektebleri, demek olar ki, hamisi eyni seviyyededir.

    Cavab yaz
  • Anonim
    Jale · 3 Mart 2017 11:5212

    Ovladim sheherin, guya ki, sayilib-sechilen mektebinde oxuyur( eve yaxindir), amma fennlerin yarisi hech ucqar kend mektebi seviyyesinde kechirilmir. Mecbur olub, ushagi elave 4 muellimin yanina gonderirem.

    Cavab yaz
    • Anonim
      a · 3 Mart 2017 12:2302

      Ele ona göre ders yaxwi kecirilmir ki onlari elave muellim yanina qoyaq ne edek mecburuq teki uwaqlarimiz savadsiz olmasin

      Cavab yaz
    • Anonim
      Müəllim · 3 Mart 2017 12:3040

      Bəlkə problem sənin uşağındadır, niyə müəllimləri asıb-kəsirsən? İkincisi də ki, ucqar kənd səviyyəsi deyəndə nəyi nəzərdə tutursan? Ucqar kəndlərdə şərait pis olsa da keçilən dərsin səviyyəsi şəhərdəkindən yüksəkdir.

      Cavab yaz
      • Anonim
        Elə Mən · 3 Mart 2017 13:0130

        Şərhimdən inciməyin.Dərsdə dərsi başa salan müəllimə də.hazirlıqda dərs keçən müəllimə də eyni dərslikdən istifadə edir.özündən heç nə icad etmir ki?Sadəcə olaraq bizdə elə fikir formalaşır ki.dərsdə öyrətmirlər.Mənim qizim əlaçıdır.Ancaq görürəm ki.o biri əlaçı uşaq daha üstündür.Müəllimənin düz qarşısında da oturan uşaq dərsi qavraya bilmir.Müəllimə neyləyir.uşaq öyrənməkdə çətinlik çəkir.İndi deməyim odur ki.hər şey uşaqdan asilidir.Eyni dərslər o məktəbdə də keçirilir.başqa məktəbdə də.

        Cavab yaz
      • Anonim
        Jale · 3 Mart 2017 14:4403

        Menim ushagimda hechbir problem yoxdur, sinifin elachisidir., ekser fenleri sinif muellimlerin hesabina yox, hazirlashdiran muellimlerin hesabina bilir. Muellimlerin bir- ikisi xesteyem deye ilin yarisini gelmir, bir nechesi sinifi sakitleshdire bilmir ki, ders kechsin ve s. Nece olur ki, muellimlerin bezilerinden ushaqlar chekinir ve fenni qorxularindan ezberleyirler, muellimde can yandirir(sag olsunlar), bezileri ise, gelib 40-45 deq sinifde oturur, testleri atir ushaqlarin qabagina.( hansi ki, hech duz-emelli ders kechmir), vaxti kechirir ve chixir gedir. Kim ne deyir , desin muellimden asilidir ushagin dersi qavrayib, qavramamasi.. Sohbet orta statistik ushaqdan gedir.

        Cavab yaz
  • Anonim
    Elə Mən · 3 Mart 2017 12:2530

    Biz 4 il bundan əvvəl uşağı məktəbə yazdirmağa aparanda direktor sənədlərini qovluğa yiğmışdım.açdi baxdi.uşağa suallar verdi qəbul elədi.Sonradan o biri valideynlər dedilər ki.direktora nə qədər pul verdiniz.Dedim heç nə.Bizə heç kəs pul demədi.Deməli.bunlar özləri qovluğa pul qoyublar.direktor açanda görüb götürüb.Sonra da deyirik ki.filankəs rüşvət alır.O rüşvət alimir e.siz təklif edirsiniz.Mən də dedim xeyr bizdən pul istəmədi.Valideynlər inanirsiniz məəttəl baxirdilar ))).Sonradan da məktəbdə pul yiğilir yiğilmir bilmirəm.Müəllimlər günündə.bayramlarda imkanım olanda gül alıb göndərirəm.vəssalam.

    Cavab yaz
  • Anonim
    Melek · 3 Mart 2017 12:4020

    Xanımlar salam menim qızımın altı yaşı oktyabrın 16 sı tamam olacaq sizce qızımı imtahanla götürecekler???

    Cavab yaz
    • Anonim
      Elə Mən · 3 Mart 2017 13:0420

      Salam.İndi bilmirəm.Ancaq keçən il qonşumuzun oğlunun 6 yaşı noyabrda tamamlanirdi.imtahanla götürdülər.2-3 sual verdilər.şeir soruşdular.vəssalam

      Cavab yaz
  • Anonim
    Jale · 3 Mart 2017 14:5702

    Muellimin savadli olmasi her shey demek deyil. Esas muellim keyfiyyeti- bildiyini ushaga nece chatdirmagindadir. Muellimin danishiq terzinin duzgun olmasi, sinifi ele ala bilmesi, hardasa, ushaqlarda bir qeder qorxu yaratmaq kimi xususiyyetleri olmalidir. Muellim eyni zamanda psixoloq olmalidir. Bizim sinifde 5 muellim bu shertlere cavab verir. Qalani ise... teessuf ki, sinifle bacarmirlar ve bacarmaq uchun hechne etmirler.

    Cavab yaz
    • Anonim
      . · 3 Mart 2017 16:1820

      Vay vay ay valideyn birinci sən get əsəblərini müalicə elə sonra müəllimələri günahkar çıxardarsan.Yuxarida yazilan şərhlərdə heç kəs sənə demədi ki problem uşağındadir.nə isə....

      Cavab yaz
      • Anonim
        Jale · 3 Mart 2017 16:4812

        Menim eseblerim yerindedir,ehvalimda ela. Kimin ne derecede muellim olmasini,kimin nece ders kechmesini,sinifde bash veren her sheydende yaxshi xeerdaram(sinifde kameralar var ve istediyim vaxti telefondan nezaret ede bilirem). Her sahede oldugu kimi , mekteblerdede n qeder vicdansiz,serishtesiz,savadsiz insanlar var. Haminiiz burda yigilib ,ne desenizde, bu bir faktdir. Menim ogluma gelince ise, onun mekteble hechbir problemi yox, en sevilen shagirdlerdendir,elachidir.

        Cavab yaz
        • Anonim
          Vita1000 · 3 Mart 2017 17:1330

          Onda problem sənin özündədir. Get özünü bir həkimə göstər. Səndə öd artıqlığı simptomları hiss olunur. ))))

          Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.