Ölkə

Azərbaycanda ata oğlunu danladığı üçün canından oldu - MƏHKƏMƏ

25 Noyabr 2024 09:40

Baxış: 1 286

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL #MƏHKƏMƏ #QƏTL #CİNAYƏT

Xaçmaz rayonunda atasını öldürməkdə təqsirləndirilən Pərvin Nəmətovun barəsindəki qərardan kassasiya şikayəti verilib.

Milli.Az pravda.az-a istinadən xəbər verir ki, şikayət Ali Məhkəmənin hakimi İlqar Qılıcovun sədrliyi ilə araşdırılacaq.

Məhkəmənin ilkin baxış iclası hələlik açıqlanmayıb.

Xatırlatma: Sumqayıt Ağır Cinayətlər Məhkəməsinin hökmü ilə 10 il 6 ay müddətinə azadlıqdan məhrum edilib. Sumqayıt Apellyasiya Məhkəməsi isə hökmü dəyişdirmədən qüvvədə saxlayıb.

İttihama görə, hadisə 14 may 2022-ci il tarixdə saat 15 radələrində Xaçmaz rayonu Niyazoba kəndi ərazisində yerləşən fərdi yaşayış evində qeydə alınıb.

Belə ki, 1987-ci il təvəllüdlü Pərvin Nəmətov süfrə başında ailə üzvləri ilə birlikdə nahar edərkən münaqişə zəminində atası Hacıkərim Nəmətovu bıçaqlayaraq qətlə yetirib. Hadisəyə səbəb isə atasının təqsirləndirilən şəxsi danlaması, ona və ailə üzvlərinə qarşı kobud rəftar etməsi olub.

Faktla bağlı Xaçmaz Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.

Milli.Az