Ölkə

Xocalı prospektində narazılıq yaradan nişanlanma xətləri dəyişdirildi - VİDEO

20 Sentyabr 2024 09:59

Baxış: 4 642

VTB-də minimal faiz dərəcəsi ilə nağd kredit 9.9%-dən

#YOL #VİDEO #CƏRİMƏ

Azərbaycan Yerüstü Nəqliyyat Agentliyi (AYNA) tərəfindən Bakının Xətai rayonu Xocalı prospektində nişanlanmalar sürücülərdə narazılıq yaradıb. Belə ki, yolun sol xətti velosiped, sağ xətti isə avtobus üçün ayrılıb. Bu da hərəkətin intensivliyinə təsir göstərib. Bundan başqa, parklanma yerinə keçmək üçün sürücülər məcbur olub avtobus zolağına daxil olurdular ki, bu da cərimələnmələrə səbəb olurdu.

AYNA-dan "APA-Economics"in sorğusuna cavab olaraq bildirilib ki, Xocalı prospektində nişanlanmalar yenidən təşkil edilib. Velosiped zolağı və parklanma yerləri saxlanılaraq avtomobillərin hərəkəti üçün zolaqların sayı 2-yə çatdırılıb. Parklanma yerlərinə giriş-çıxış üçün zolaqda yerlər də ayrılıb.

--------------

2024.09.19

Xətai rayonunda yeni çəkilmiş yol tənqidlərə səbəb olub.

Milli.Az axar.az-a istinadən bildirir ki, bu barədə sosial şəbəkədə görüntülər yayılıb.

Bildirilib ki, sözügedən yol 4 zolağa bölünüb - solda velosiped yoludur, orta avtomobillər üçün, sağ hissə avtobuslar üçün nəzərdə tutulub, sağ kənar zolaq isə parkinqə ayrılıb.

Vətəndaş deyir ki, bu, sıxlığa səbəb olmaqla yanaşı, əlavə problem də yaradır. Maşını park etmək istyən sürücülər mütləq avtobus zolağına daxil olmalıdır, bu isə onların 100 manat cərimələnməsi deməkdir.

Sözügedən görüntüləri təqdim edirik:

Milli.Az
Xəbərlərimizi WhatsApp kanalımızdan da oxuyun