Ölkə

Prezidentin köməkçisi: COP29-da hansı səviyyədə iştirakla bağlı Ermənistan tərəfi qərar verməlidir

18 Sentyabr 2024 15:48

Baxış: 2 801

VTB-də minimal faiz dərəcəsi ilə nağd kredit 9.9%-dən

#ERMƏNİSTAN

BMT-nin İqlim Dəyişmələri üzrə Çərçivə Konvensiyasının Tərəflər Konfransının Azərbaycanda keçiriləcək 29-cu sessiyasında (COP29) hansı səviyyədə iştirakla bağlı Ermənistan tərəfinin özü qərar verməlidir.

Milli.Az report-a istinadən xəbər verir ki, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev jurnalistlərə açıqlamasında deyib.

Onun sözlərinə görə, Azərbaycan iqlim dəyişikliyi ilə əlaqədar Konvensiyanın bütün üzvlərinə COP29-da iştirakla bağlı dəvət göndərib:

"Bu, ev sahibi olaraq Azərbaycan Respublikasının öhdəliyidir. Azərbaycan iqlim dəyişikliyi ilə əlaqədar Konvensiyadan irəli gələn məsələlərin müzakirəsi üçün çox gözəl bir platformadır. Bütün tərəf dövlətlərə dəvət göndərilib. Təbii ki, tədbirdə hansı səviyyədə iştirakla bağlı qərarı bütün tərəf dövlətlər və Ermənistanın özü verməlidir".

Milli.Az
Xəbərlərimizi WhatsApp kanalımızdan da oxuyun