Ölkə

Bakı və Moskva iqtisadi məsələləri müzakirə etdi

17 Sentyabr 2024 23:12

Baxış: 887

VTB-də minimal faiz dərəcəsi ilə nağd kredit 9.9%-dən

Moskvada Rusiya və Azərbaycan arasında iqtisadi əməkdaşlıq üzrə Hökumətlərarası Komissiyanın həmsədrləri - Rusiya Federasiyası Baş nazirinin müavini Aleksey Overçuk və Azərbaycan Baş nazirinin müavini Şahin Mustafayev arasında görüş keçirilib.

Milli.Az axar.az-a istinadən xəbər verir ki, bu barədə Rusiya hökumətinin saytında məlumat verilib.

"Rusiya Prezidenti Vladimir Putin və Azərbaycan Prezidenti İlham Əliyev arasında 2024-cü il avqustun 19-da Bakıda keçirilən danışıqlarda əldə olunmuş razılaşmaların davamı olaraq, komissiaynın həmsədrləri ikitərəfli ticari-iqtisadi və elmi-texniki əməkdaşlığın cari vəziyyətini müzakirə ediblər", - bəyanatda deyilir.

Əsasən, nəqliyyat, təhsil, ətraf mühitin mühafizəsi sahələrində qarşılıqlı fəaliyyətlə bağlı fikir mübadiləsi aparılıb.

Qeyd olunur ki, A.Overçuk və Ş.Mustafayev bütün sahələrdə Rusiya-Azərbaycan əlaqələrinin möhkəmləndirilməsinə yönəlmiş konstruktiv dialoqu davam etdirməyə hazır olduqlarını təsdiqləyiblər.

Milli.Az
Xəbərlərimizi WhatsApp kanalımızdan da oxuyun