Ölkə

Aqrar sığorta üzrə ekspert sertifikatı almaq istəyənlər imtahan verəcək

23 İyun 2024 08:15

Baxış: 553

VTB-də minimal faiz dərəcəsi ilə nağd kredit 9.9%-dən

Bu gün Dövlət İmtahan Mərkəzi tərəfindən aqrar sığorta fəaliyyəti üzrə müstəqil ekspert sertifikatı almaq istəyən, Aqrar Sığorta Fondunun keçirdiyi təlimləri müvəffəqiyyətlə başa vurmuş namizədlər üçün test imtahanı keçiriləcək.

Bu barədə Milli.Az-a DİM-dən bildirilib.

Qeyd olunub ki, imtahan DİM-in elektron imtahanlar korpusunda keçiriləcək. Ünvan Bakı şəhəri, Binəqədi rayonu, S.S.Axundov küç., 108.

İmtahana qeydiyyat 2024-cü il 14 may - 14 iyun tarixlərində aparılıb və bu müddət ərzində 48 namizəd müraciət edib.

İmtahan saat 10:00-da başlanır. Namizədlər şəxsiyyəti təsdiq edən sənədləri ilə birlikdə saat 09:00-dan gec olmayaraq imtahan binasında olmalıdırlar.

İştirakçılar "İmtahana buraxılış vərəqəsi"ni buradan çap edə bilərlər.

Milli.Az
Xəbərlərimizi WhatsApp kanalımızdan da oxuyun