Ölkə

Ermənistanın yeganə çıxış yolu – Konstitusiya dəyişməsə, sülh müqaviləsi olmayacaq - VİDEOMÜSAHİBƏ

8 İyun 2024 09:01

Baxış: 515

#VİDEO #ERMƏNİSTAN

Bu gün Ermənistanla Azərbaycan arasında sülh müqaviləsinin imzalanmasına mane olan ən başlıca amillərdən biri Ermənistan Konstitusiyasında Azərbaycan və Türkiyəyə qarşı ərazi iddialarını təsbit edən müəyyən müddəaların mövcud olmasıdır. Azərbaycan dəfələrlə bəyan edib ki, sülh müqaviləsinin imzalanması üçün Ermənistan konstitusiyasında dəyişiklik edilməli və ərazi iddiaları ilə bağlı müddəalar aradan qaldırılmalıdır.

Prezident İlham Əliyev TÜRKPA-ya üzv ölkələrin parlament sədrləri ilə keçirilən görüşdə açıq şəkildə Azərbaycanın şərtini bir daha bəyan etdi. Dövlət başçısı bildirdi ki, "Ermənistanın hazırkı konstitusiyası dəyişməz qaldığı halda, Ermənistanla Azərbaycan arasında sülh sazişinin bağlanması, sadəcə, mümkün deyil".

Milli.Az xəbər verir ki, bu barədə Trend-ə videomüsahibə verən "Hilal" Sosial Araşdırmalar Mərkəzinin rəhbəri, politoloq Arzuman Abdulkərimov bildirib ki, bu məsələ sülh müqaviləsinin imzalanmasını uzadır.

"Ermənistan tərəfi deyir ki, konstitusiyada dəyişiklik edəcəyik, ancaq bu etmək istəyirdilərsə, bu proses indiyə qədər baş verməli idi. Ermənistan istisna olmaqla, dünyanın heç bir ölkəsinin konstitusiyasında digər ölkəyə qarşı ərazi iddiası yoxdur. Ermənistan bilməlidir ki, konstitusiyasına dəyişiklik etmədən Azərbaycan sülh müqaviləsi imzalamayacaq", - deyə o əlavə edib.

Daha geniş videomüsahibəni təqdim edirik:

Milli.Az
Xəbərlərimizi WhatsApp kanalımızdan da oxuyun