Ölkə

Natiq Mehdinin qətlinə görə saxlanılan direktor müavini imiş - YENİLƏNİB

14 May 2024 18:42

Baxış: 2 508

VTB-də minimal faiz dərəcəsi ilə nağd kredit 9.9%-dən

#CƏMİYYƏT #POLİS #DAXİLİ İŞLƏR NAZİRLİYİ

Xəbər verdiyimiz kimi, Müsavat Partiyasının fəalı Natiq Mehdi qətlə yetirilib. Baş Prokurorluq və DİN-in birgə yaydığı məlumata əsasən, onun iş yoldaşı 1966-cı il təvəllədlü İslamov Elsevər Eldar oğlu tərəfindən şəxsi münasibətlər zəminində öldürməsinə və Xəzər rayonu ərazisində basdırılmasına əsaslı şübhələr müəyyən edilib.

Milli.Az bildirir ki, "Qafqazinfo"nun əldə etdiyi məlumata görə, hadisəni törətməkdə şübhəli bilinən Elsevər İslamov Xətai rayonunda yerləşən 55 nömrəli məktəbin direktorunun təsərrüfat işləri üzrə müavini (təsərrüfat müdiri) olub.

O, ixtisasca fiziki tərbiyə müəllimidir.

Qeyd edək ki, Natiq Mehdi həmin məktəbdə mühafizəçi vəzifəsində çalışırmış.

------

15:41

İtkin düşmüş Müsavat partiyası fəalının qətlə yetirilməsi məlum olub.

Milli.Az bildirir ki, Daxili İşlər Nazirliyindən APA-nın sorğusuna cavab olaraq bildirilib ki, Natiq Mehdi Məhəmməd oğlunun itkin düşməsi barədə polisə daxil olmuş müraciət üzrə araşdırma aparılıb.

Polis tərəfindən müəyyən edilib ki, 1964-cü il təvəllüdlü Natiq Mehdi Məhəmməd oğlu iş yoldaşı 1966-cı il təvəllədlü İslamov Elsevər Eldar oğlu tərəfindən şəxsi münasibətlər zəminində qətlə yetirilib.

Elsəvər İslamov saxlanılaraq istintaqa təhvil verilib.

Hazırda araşdırma aparılır.

Qeyd edək ki, Natiq Mehdi Məhəmməd oğlu Müsavat partiyasının fəallarından olub.

Milli.Az
Xəbərlərimizi WhatsApp kanalımızdan da oxuyun