Ölkə

Rayon xəstəxanalarında HƏYƏCAN TƏBİLİ - VİDEO

13 May 2024 09:52

Baxış: 818

#VİDEO #XƏSTƏXANA #HƏKİM

Bölgələrdəki xəstəxanalarda bəzi ixtisaslar üzrə ciddi həkim çatışmazlığı yaşanır.

Milli.Az Xəzər TV-yə istinadən bildirir ki, Bakıda xəstəxanalarda sıxlığın əsas səbəblərindən biri də xəstəlikdən əziyyət çəkən insanların paytaxta axın etməsi göstərilir.

Milli Məclisin Səhiyyə komitəsinin üzvü Müşfiq Məmmədli bildirib ki, rayonlarda yüksək ixtisaslı tibbi xidmətlər göstərmək üçün xəstəxanalar istifadəyə verilsə də, həmin müəssisələri hələ tam olaraq peşəkar kadrlarla təmin etmək mümkün olmur. Millət vəkili ixtisaslı həkimlərin bölgələrdə işləmək istəməməsini müxtəlif amillərlə əlaqələndirir.

Məlumata görə, rayonların bir çoxunda mama-ginekoloq, nefroloq, psixiatr, narkoloq, uroloq, nevroloq çatışmazlığı ilə bağlı problemlər var.

Müşfiq Məmmədlinin fikrincə, bu sahədə vəziyyəti yaxşılaşdırmaq üçün stimullaşdırıcı addımlar atılır. Amma daha yaxşı effektiv nəticə əldə etmək üçün digər vasitələri də nəzərdən keçirmək olar.

Millət vəkili hesab edir ki, rayonlarda ixtisaslı həkim çatışmazlığının aradan qaldırılması paytaxt xəstəxanalarında da sıxlığa ciddi təsir göstərər.

Ətraflı süjetdə:

Milli.Az

Xəbərlərimizi WhatsApp kanalımızdan da oxuyun