Ölkə

Sabah bu rayonlarda qaz olmayacaq

28 Fevral 2024 17:19
Baxış: 14 082
VTB-də minimal faiz dərəcəsi ilə nağd kredit 9.9%-dən
#AZƏRİQAZ

SOCAR-ın "Qaz İxrac" İdarəsinə məxsus "Ucar-Zərdab" yüksək təzyiqli magistral qaz kəmərinin korroziyaya uğramış hissəsinin dəyişdirilməsi məqsədilə yeni çəkilmiş diametri 325 mm-lik yüksək təzyiqli qaz kəmərinin qaznəqli sisteminə birləşdirilməsi nəzərdə tutulub. Bununla əlaqədar 29.02.2024-cü il saat 09:00-dan işlər başa çatanadək "Lək 1-ci xətt", "Zərdab", "Ucar Pambıq emalı zavodu" və "Zərdab asfalt beton zavodu" ölçü qovşaqlarından qaz təchizatının dayandırılması planlaşdırılır.

"Azəriqaz"dan Milli.Az-a verilən məlumata görə, həmçinin "Ucar" qaz ölçü qovşağından qidalanan Ucar şəhərini və rayonun 20 kəndini təbii qazla təmin edən qaz təchizatı şəbəkəsində müxtəlif diametrli qaz xətlərində "Təmiz Qaz" QSC tərəfindən aşkar olunmuş qaz sızmalarının ləğvi və qaz tənzimləyici qurğuların baypas xətləri üzərində olan siyirtmələrinin təmiri ilə bağlı, 29.02.2024-cü il tarixdə saat 09:00-dan işlər başa çatanadək "Ucar" ölçü qovşağından qidalanan "Əhali" orta təzyiqli qaz kəmərindən qaz təchizatının dayandırılması planlaşdırılır.

Təmir-quraşdırma işləri aparılan müddətdə Zərdab və Ucar rayonlarının qaz təchizatında müvəqqəti fasilə yaranacaq.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.