Ölkə

“Boşanmaların səbəblərindən biri də budur”

29 Noyabr 2023 17:16

Baxış: 1 322

VTB-də minimal faiz dərəcəsi ilə nağd kredit 9.9%-dən

#CƏMİYYƏT

""Reproduktiv sağlamlıq haqqında" Qanunun qəbul olunması Milli Məclis qarşısında duran vəzifələrdən biridir".

Milli.Az qafqazinfo-ya istinadən xəbər verir ki, bu fikirləri Milli Məclisin Sosial qanunvericilik şöbəsinin müdiri Adil Vəliyev parlamentdə "Ailə sağlamlığı və dəyərləri qanunvericilik aspektində" mövzusunda keçirilən ictimai dinləmədə bildirib.

"Məsələn, nikaha xitam verilməsinin səbəblərindən biri də sonsuzluqdur, lakin müasir dünyada hər bir insanı valideyn edən tibbi üsul - süni və ekstrokorporal mayalanma metodu geniş tətbiq olunur ki, qanun layihəsi də məhz bu tələblər çərçivəsində hazırlanıb.

Daha ciddi problemlər də mövcuddur, məsələn, bir çox ailələrdə qadınların reproduktiv sağlamlıq hüquqlarının qorunmaması, ailə üzvlərinin istəyinə əsasən qadının hamiləliyini süni şəkildə dayandırmağa məcbur edilməsi, bəzən də qadının yalnız qız uşaqları dünyaya gətirdiyi üçün tərk edildiyi hallar bu sənədin qəbulu ilə problemin hüquqi tənzimlənməsini vacib edir. Qanunun əsas özəlliyi də bu problemin həllində ailə planlaşdırmasının əlavə mexanizm kimi təsbit olunmasıdır.

Ailə institutunun möhkəmləndirilməsi üçün bir çox təşkilati hüquqi tədbirlər görülsə də, təbii ki, tam deyil. Bu, davam edən və daim təkmilləşən proses olmalıdır", - deyə şöbə müdiri vurğulayıb.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı

“Boşanmaların səbəblərindən biri də budur”

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?