Ölkə

Bu istiqamətdə Azərbaycanın liderliyini təqdir edirik - "UN Women" Gürcüstan nümayəndəsi

20 Noyabr 2023 18:34

Baxış: 506

VTB-də minimal faiz dərəcəsi ilə nağd kredit 10.49%-dən

#QADIN

Qadın hüquqlarına işıq salmaq istiqamətində Azərbaycanın liderliyini təqdir edirik.

Milli.Az Trend-ə istinadən bildirir ki, bunu "UN Women" Gürcüstan nümayəndəsi Kaori İshikawa Bakıda "Qadınların hüquqlarının inkişaf etdirilməsi və səlahiyyətlərinin artırılması" mövzusunda keçirilən beynəlxalq konfransda çıxışı zamanı deyib.

"Qlobal mənzərə çağırışlarla doludur. Lakin mən inanıram ki, Azərbaycanın nümunəsi bir çox ölkələrə töhfə verəcək. Biz bu sahədə əməkdaşlığımızı genişləndirməli, təcrübə mübadiləsi aparmalıyıq",- deyə o bildirib.

Qeyd edək ki, Bakıda Qoşulmama Hərəkatının konfransı keçirilir. Konfrans Qoşulmama Hərəkatının hazırkı sədri qismində Azərbaycan Respublikası ilə yanaşı, təsisatın növbəti sədrləri kimi Uqanda və Özbəkistanın birgə təşkilatçılığı ilə baş tutur.

Tədbirdə Qoşulmama Hərəkatına üzv ölkələrin, həmçinin təsisat yanında müşahidəçi statusuna malik dövlətlərin, beynəlxalq təşkilatların nümayəndələri, həmçinin xüsusi qonaq qismində dəvət olunan yüksək vəzifəli rəsmi şəxslər də daxil olmaqla, ümumilikdə 60-a yaxın nümayəndə heyəti iştirak edir.

Milli.Az
Xəbərlərimizi WhatsApp kanalımızdan da oxuyun