Ölkə

Türkiyədən Qarabağa tinglər və toxumlar yola salındı

9 Dekabr 2022 10:01
Baxış: 1 011
VTB-də minimal faiz dərəcəsi ilə nağd kredit 9.9%-dən
#CƏMİYYƏT

Azərbaycanda yaradılacaq "Türkiyə-Azərbaycan Qarabağ-Cəbrayıl Dostluq Meşəsi" üçün Türkiyənin Meşə Təsərrüfatı Baş İdarəsi (OGM) tərəfindən hazırlanmış ting və toxumlar ölkəyə göndərilib.

Milli.Az Trend-ə istinadən bildirir ki, Türkiyənin Kənd Təsərrüfatı və Meşə Nazirliyi ilə Azərbaycan Kənd Təsərrüfatı Nazirliyi arasında "Kənd təsərrüfatında müasir texnologiyaların paylaşılmasına və aqrar təhsil sahəsində işbirliyinə dair əməkdaşlıq niyyəti haqqında Bəyannamə" çərçivəsində müxtəlif addımlar atılır. Bu kontekstdə Qarabağda kənd təsərrüfatı və aqrar inkişafın fəaliyyət planına daxil edilən meşəçilik tədbirləri arasında yer alan Azərbaycanın Qarabağ və Cəbrayıl bölgəsində meşə təsərrüfatı layihəsi OGM tərəfindən həyata keçirilir.

Konya, Əskişəhər, Mardin və Mərsin meşələrindən eldar şamı, qırmızı şam, qara sərv, larch, sarı şam, sidr şamı, Hələb şamı, türk çiyələyi, yemişan, yabanı armud, ağcaqayın, kül ağacı, akasiya, sofora növləri daxil olmaqla 44 min ting 65 hektar sahədə qurulacaq "Türkiyə-Azərbaycan Qarabağ Cəbrayıl Dostluq Meşəsi" üçün yola salınıb.

Tinglərlə yanaşı, Konya, Əskişəhər, Mardin və Mərsin meşə tingliklərindən fıstıq, sarı şam, qara şam, Hələb şamı, qırmızı şam və akasiya növlərindən 150 kiloqram toxum da Azərbaycana gətiriləcək.

Türkiyənin Kənd Təsərrüfatı və Meşə Nazirliyinin meşə təsərrüfatı şöbəsinin müdiri Bəkir Karacabəy açıqlamasında "Cəbrayıl Qarabağda yenidən dalğalanan Azərbaycan bayrağı altında yaradacağımız meşə ilə yenidən kökündən canlanacaq" deyib.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.