Ölkə

Ramiz Mehdiyevin sabiq köməkçisi işdən çıxarıldı və...

5 Aprel 2022 14:18

1 Şərh Baxış: 1 494

VTB-də minimal faiz dərəcəsi ilə nağd kredit 10.49%-dən

Azərbaycan Milli Elmlər Akademiyasının (AMEA) prezidenti Katibliyinin rəisi Eldar Əmirov tutduğu vəzifədən azad edilib.

Milli.Az lent.az-a istinadən xəbər verir ki, Eldar Əmirov Akademik Ziya Bünyadov adına Şərqşünaslıq İnstitutunda işə götürülüb.

Qeyd edək ki, Eldar Əmirov həm də AMEA-nın sabiq prezidenti Ramiz Mehdiyevin qeyri-rəsmi köməkçisi vəzifəsini tutub. Ramiz Mehdiyev AMEA-nın prezidenti postundan istefa verdikdən sonra Eldar Əmirov polisə müqavimətdə ittiham olunaraq saxlanılmışdı.

Məhkəmənin qərarı ilə 30 sutka həbs cəzası alan Eldar Əmirov bir neçə gün əvvəl azadlığa çıxıb.

Onu da qeyd edək ki, Eldar Əmirov Prezident Administrasiyasının rəhbəri olduğu dövrdə də Ramiz Mehdiyevin köməkçisi olub.

Milli.Az