Ölkə

Pandemiya başa çatır? - Koronavirusla bağlı vəziyyət dəyişir

23 Fevral 2022 10:48

Baxış: 5 373

VTB-də minimal faiz dərəcəsi ilə nağd kredit 9.9%-dən

#KORONAVİRUS #OMİCRON

"Yoluxma sayının azalması təbii bir qanunauyğunluqdur, istənilən epidemik alovlanma müəyyən bir dövr keçdikdən sonra sönməlidir. Digər bir tərəfdən, çox sürətlə yayılan Omikron xeyli yoluxma halları yaradaraq, vaksinasiya ilə yanaşı olaraq kütləvi immunizasiyaya daha da təkan vermiş oldu".

Bunu Milli.Az-a açıqlamasında həkim mütəxəssis Könül İsmayılova deyib.

O bildirib ki, mütəxəssislərin etdiyi açıqlamalar pandemiyanın bitməyə doğru getdiyi ümidlərini artırır:

"Dünya ekspertlərinin fikrincə, Omikron ştamının klinik-epidemioloji xüsusiyyətləri pandemiyanın artıq başa çata biləcəyi ehtimalına əsas verə bilər.

ÜST-ün açıqlamasına gəldikdə isə, qeyd etmək istəyirəm ki, yer kürəsində olan bütün canlılar aləmi müxtəlif elmlər vasitəsilə öyrənilir və bir təsnifat sistemində cəmləşdirilir. Bu, viruslara da aiddir, onlar da identifikasiya olunurlar və xəstəlik törətmə qabiliyyətləri-patogenliyi mikrobioloqlar tərəfindən araşdırılır və diqqətdə saxlanılır. Bir az öncə COVİD-19-un "myu" ştamı ilə bağlı da narahatlıqlar, xəbərlərin sosial şəbəkələrdə yayılmasının şahidi olduq. Lakin bu ştam ÜST-ün "narahatlıq doğuran viruslar" siyahısına salınıb.

Gələcək dövrlərdə infeksion xəstəliklərin təhlükəli şəkil alaraq, epidemiyaya çevrilməsinin baş verməməsi üçün, bu illər COVİD-19-la bağlı mübarizədə qəbul edilmiş strategiya və tədbirlərdən müəyyən bir elmi nəticələr əldə etmək olar. Bu isə öz növbəsində düzgün infeksion nəzarətin təşkilində və ölkələrin epidemioloji hazırlığında faydalı ola bilər".

Qeyd edək ki, Ümumdünya Səhiyyə Təşkilatının (ÜST) rəhbəri Tedros Adhanom Qebreyesus COVID-19-un daha təhlükəli ştamının yarana biləcəyi barədə xəbərdarlıq edib.

Təhməz Əsədov
Milli.Az