Ölkə

Avropa Azərbaycan Məktəbi yenidən “Dünya Alimlər Kuboku” çempionatının Bakı mərhələsinə ev sahibliyi edəcək - FOTO

21 Yanvar 2022 18:20
Baxış: 1 010

Avropa Azərbaycan Məktəbi yenidən "Dünya Alimlər Kuboku" çempionatının Bakı mərhələsinə ev sahibliyi edəcək.

22-23 Yanvar tarixlərində Avropa Azərbaycan Məktəbində Dünya Alimlər Kuboku Çempionatının (World Scholar's Cup) Bakı mərhələsi keçiriləcək. 2020-ci ildə məktəblilər arasında keçirilən WSC Bakı mərhələsi şəhər üzrə 16 məktəbdən - 404 ibtidai və orta məktəb şagirdini bir araya topladı; oxşar rəqəmlər 2022-ci ildə də proqnozlaşdırılır. İştirakçılar İncəsənət, Musiqi, Tarix, Ədəbiyyat, Media, Sosial Elmlər, Elm, Texnologiya və bu il xüsusi sahə olmaqla, altı akademik fənn üzrə fərdi və komanda debatlarında, yazı və bilik testlərində iştirak edəcəklər. Bakıda yüksək performans göstərən qalib komandalar 2022-ci ilin iyununda Dubayda keçiriləcək Beynəlxalq Mərhələdə və nəhayət, noyabrda Yale Universitetində hər il keçirilən WSC Çempionlar Turnirində iştirak hüququ qazanacaqlar.

Françesko Bankini, Avropa-Azərbaycan Məktəbinin icraçı direktoru qeyd etdi ki: "Məktəbimizdə Dünya Alimlər Kuboku turnirinin yenidən keçirilməsi əla fürsətdir. Bu, şagirdlərimizin qeyri-standart yanaşmaları sınaqdan keçirdikləri, təhlil etməyi və rasional həll yolları axtarmağı öyrəndikləri, öz aralarında müzakirələr apardıqları və komandada işlədikləri ümumdünya müsabiqəsidir."

"Biz Avropa Azərbaycan Məktəbində şagirdlərimizin üfüqlərini WSC və digər bu kimi müxtəlif beynəlxalq olimpiadalara cəlb etməklə genişləndirməyə çalışırıq"- cənab Bankini əlavə etdi.

Dünya Alimlər Kuboku 2007-ci ildə təsis edilib və o vaxtdan bəri 70-dən çox ölkədə keçirilən 150 tədbirdə hər il 50.000-dən çox tələbəni əhatə edib. Proqramın missiyası inklüziv zənginləşdirmə sayəsində mənşəyindən və mədəniyyətlərdən asılı olmayaraq bütün gəncləri öyrənməyə, əylənməyə, əməkdaşlıq etməyə və böyüməyə ruhlandırmaqdır.

Məqaləyə dair fotomateriallar:

40 000 AZN-dək krediti ONLAYN sifariş et!

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics