Ölkə

Özlərini qazi kimi təqdim edən bir qrup şəxs Yasamal bələdiyyəsinə daxil olaraq işçiləri döyüblər

10 Dekabr 2021 13:56

0 Şərh Baxış: 2 878

VTB-də minimal faiz dərəcəsi ilə nağd kredit 10.49%-dən

Daxili İşlər Nazirliyi bələdiyyə işçilərinin döyülməsi ilə bağlı məlumat yayıb.

Milli.Az bildirir ki, DİN-in Mətbuat Xidmətinin rəisi, polis polkovniki Ehsan Zahidov bildirib ki, dekabrın 9-da saat 11 radələrində özlərini "Çinar Park" MMC-nin işçiləri və Qarabağ qaziləri kimi təqdim edən bir qrup şəxs Yasamal rayon bələdiyyəsinin inzibati binasına daxil olub, bələdiyyə ilə MMC arasında bağlanmış müqavilənin vaxtından əvvəl ləğv edilməsinə etiraz edərək inzibati binanın otaqlarında dağıntılar törədib və bələdiyyənin 2 üzvünü döyərək onlara xəsarətlər yetiriblər.

"Faktla bağlı Cinayət Məcəlləsinin müvafiq maddəsi ilə cinayət işi başlanılıb, müvafiq ekspertizalar təyin olunub və iş üzrə istintaq hərəkətləri aparılır", - məlumatda deyilir.

Milli.Az