Ölkə

Səhərlər bu yolda nəqliyyatın hərəkəti niyə məhdudlaşdırılır? - AÇIQLAMA

7 Dekabr 2021 15:36
2 Şərh     Baxış: 1 954

Son günlər Zabrat-Kürdəxanı-Pirşağı avtomobil yolu səhər saatlarında Sabunçu körpüsü deyilən yerdə DYP əməkdaşları tərəfindən bağlanır və avtomobillərin hərəkətində məhdudiyyətlər yaranır. Bu da həmin ərazidə tıxaca səbəb olur.

Bu barədə Trend-ə gündəlik adıçəkilən yoldan istifadə edən sürücülər bildirib.

Bakı Şəhər Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Vaqif Əsədov iddialara aydınlıq gətirib.

"Zabrat-Kürdəxanı-Pirşağı avtomobil yolundan Heydər Əliyev prospektinə çıxan yolda 15-20 dəqiqə sürücülər dayanmalı olur. Yalnız iş günləri, 1-5-ci günlər səhər saatlarında, yəni pik saatlarda metronun "Koroğlu" stansiyası istiqamətində sıxlıq yaranır.

Bu da tıxaclara səbəb olur. Ona görə də aidiyyəti üzrə əməkdaşlarımız orada təxminən 20-30 dəqiqə müddətində xidmət aparmaqla keçmə növbəliliyini hissə-hissə tənzimləyirlər.

Əgər həmin ərazidə əməkdaşlar dayanıb xidmət aparmasa, nəqliyyat vasitələrinin hissə-hissə ardıcıl, növbəli şəkildə buraxılmasını təmin etməsələr, "Koroğlu" metrostansiyası istiqamətində maşınlar saatlarla tərpənməz vəziyyətdə qalar və hərəkət dayanar.

Ona görə də bu istiqamətlər üzrə hərəkət edən sürücülərə bildirirəm ki, burada narahatlığa səbəb yoxdur", - deyə o bildirib.

Vaqif Əsədov bu cür vəziyyətdə sürücülərə təmkinli olmağı və tələsməməyi tövsiyə edib.

"Hər kəs öz zolağı üzrə hərəkət etsin, hər bir sürücü getdiyi istiqaməti əvvəlcədən dəqiqləşdirib həmin zolağı tutsun, qarşı hərəkət zolağına çıxmasın. Yol kəsişmələrində sarı rəngli, tor tipli xətlərə diqqət yetirsinlər.

Bu tələblərə riayət edilmədiyi təqdirdə həmin ərazidə hərəkət istiqaməti üzrə sıx cərgələnmə yaranır. Bu da tıxaclara və sürücülərin ləngiməsinə səbəb olur. Ona görə də sürücülər bütün bu tələblərə əməl etməlidir", - V.Əsədov əlavə edib.

Milli.Az

35 000 AZN-dək krediti ONLAYN sifariş et!

Şərh yaz:

2 Şərh:

  • Anonim
    Vaqifə · 7 Dekabr 2021 18:1200

    Hamı çox yaxşı bilir ki, hər səhər o hoqqa nəyə görədi. Ayıbdı!!!

    Cavab yaz
  • Anonim
    AYAZ · 7 Dekabr 2021 18:2500

    HÖRM\TLİ VAQİF MƏLLİM O TƏK QEYD ETDDİYNİZ YOLDA DEYOL HƏMÇİNİN QARA QARAYEV PROSPEKTİNDƏN HEYDƏR ƏLİYEV PROSPEKİNƏ DƏRNƏGÜL İSTİQAMƏTİNƏ GEDƏN YOLDA DA BAĞLANIR VƏ 10-15 YOX MƏHZ HƏR SƏHƏR SAAT 07.30 DAN BAĞLAYIRLAR YOLU ƏN AZI 30 DƏQİQƏ

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.