Avto

Porsche və Mercedes hədəf seçdilər

29 Oktyabr 2014 20:15
0 Şərh     Baxış: 1 473
VTB-də minimal faiz dərəcəsi ilə nağd kredit 9.9%-dən
#AVTO #DAİMLER AG #PORSCHE AUTOMOBİL HOLDİNG SE
Ekspertlər insanların elektromobillərə göstərdikləri marağa əsaslanaraq yaxın illər ərzində elektromobil bazarının artımını proqnozlaşdırırlar.

Milli.Az ICTnews-a istinadən bildirir ki, bu marağın artımına səbəbkar S modelini durmadan reklam edən Tesladır.

Baş verənlər alman avtomobil istehsalçılarını perspektiv seqmentə diqqət yetirməyə məcbur edib. Bu mövzu Porsche və Mercedes-Benz mühəndislərini strategiyalarını yenidən nəzərdən keçirməyə vadar edib və onlar sadə alıcılara daha yaxın olmaq üçün sedan tipli avtomobillərin istehsalı istiqamətində səylərini artıracaqlar.

Məlumdur ki, Mercedes-Benz şirkəti hazırda Teslanın S və ya E klass avtomobillərinə oxşar modellər üzərində işləyir, hansı ki, akkumulyatoru bir dəfə enerji ilə yükləyərək 400 kilometr sürə bilər.

Porsche isə elektromühərrik ilə təchiz edilmiş sedan üzərində işlər aparır və bu yeni model Panamera modelinə çox yaxın olacaq.

Bütün bunlar Tesla üçün heç də ürəkaçan xəbərlər deyil.

Çünki şirkət elektromobil bazarında liderliyini itirə bilər. Lakin bu, o qədər də tez müddətdə baş verməyəcək, çünki Mercedesin yeni elektromobili satışa 2021-ci ildə çıxarılacaq, Porsche isə yeni məhsulunu bazara 2018-ci ildən tez çıxarmaq niyyətində deyil.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.