Avto

Kia hetçbek Rio-nu yenilədi - FOTOSESSİYA

2 Oktyabr 2014 23:20

0 Şərh Baxış: 2 971

VTB-də minimal faiz dərəcəsi ilə nağd kredit 9.9%-dən

#AVTO #KİA MOTORS CORP

"Kia" şirkəti Avropa avtomobil bazarı üçün nəzərdə tutulmuş yenilənmiş kompakt hetçbek "Rio" təqdim etdi. Geniş kütləyə isə Paris avtosalonunda göstəriləcək.

Milli.Az auto.az-a istinadən bildirir ki, beşqapılı avtomobil dəyişilmiş qabaq və arxa bamperlər, fərqli radiator barmaqlığı və yeni duman əleyhinə fənərlər alıb. Bununla yanaşı, hetçbek 15-, 16- və 17-düymlük yeni dizaynlı alüminium təkər diskləri ilə də təklif ediləcək.

Yeniliyin salonunda ventilyasiya sisteminin kənarlarında xromlaşdırılmış əlavələr, o cümlədən audio sistem üçün təkmilləşdirilmiş idarəetmə paneli peyda olub.

Restaylinq olunmuş "Rio"-nun əlavə ləvazimatlar siyahısına 7-düymlük sensor displeyi olan yeni nəsil multimedia dəsti daxildir. Hetçbekin mühərriklər qammasına 1,4 və 1,6-litr həcmi olan 75-dən 109-a qədər at gücü verən 4 benzin mühərrik daxildir.

Bütün mühərriklər "start-stop" sistemi ilə təklif edilir. Sürət qutusu - 5- və ya 6-pilləli "mexanika", o cümlədən 4- və ya 6-pilləli "avtomat". Yenilənmiş "Kia Rio" gələn ildən Avropada satışa çıxarılacaq.

Daha sonra "sedan" banı olan restaylinq olunmuş model gözlənilir.

Milli.Az

Böyütmək üçün şəkillərə klikləyin.