Avto

Bu təkərlər yanacaq sərfiyyatını ARTIRIR

29 Sentyabr 2025 06:06
Baxış: 1 618
VTB-də minimal faiz dərəcəsi ilə nağd kredit 9.9%-dən
#MARAQLI #AVTO #SÜRÜCÜ #AVTOMOBİL #BENZİN #YANACAQ

Avtomobilinizin yanacaq sərfiyyatı təkcə mühərrikdən və ya sürmə tərzinizdən asılı deyil. Burada şinlərin də mühüm rolu var. Ekspertlərin sözlərinə görə, əgər şinlər düzgün seçilməzsə, maşın lazım olduğundan xeyli çox yanacaq sərf edə bilər.

Milli.Az xəbər verir ki, məsələn, yumşaq qarışığa malik çoxsaylı lamelləri olan qış təkərləri və ya off-road şinlər əlavə müqavimət yaradır. Eyni təsir geniş və ya yüksək profilli şinlərdə də müşahidə olunur. Nəticədə mühərrik daha çox enerji sərf edir, bu isə yanacaq sərfiyyatını artırır. Mütəxəssislər bunu şosse velosipedinin nümunəsi ilə izah edirlər: dar və hamar şinlər asanlıqla fırlanır və minimum səy tələb edir.

Təkərlərin ölçüsü də az əhəmiyyət daşımır. Böyük disklər avtomobilin çəkisini artırır, buna görə də yanacaq sərfiyyatı yüksəlir. Bunun qarşısını almaq üçün istehsalçılar daha yüngül konstruksiyalar hazırlayır və yuvarlanma müqaviməti azaldılmış xüsusi "ekonom" şinlər istehsal edirlər.

Amma məsələ yalnız şinlərin seçimi ilə məhdudlaşmır. Ekspertlər xatırladırlar: əgər asqı sistemi, əyləc mexanizmləri və ya təkərlərin bucaqları düzgün tənzimlənməyibsə, yanacaq sərfiyyatı artır. Buna görə də avtomobilin texniki vəziyyətini mütəmadi olaraq yoxlamaq qənaət etməyə kömək edir.

Başqa bir vacib məqam isə şinlərdəki təzyiqdir. O, məhz avtomobiliniz üçün optimal olmalıdır və yüklənməni, eləcə də səfərin tipini nəzərə almalıdır. Ön və arxa təkərlər üçün göstəricilər adətən salon daxilində və ya kuzov üzərində yerləşdirilən xüsusi nişanda qeyd olunur. Bu tövsiyələrə əməl etməklə həm yanacağa, həm də şinlərin ömrünə qənaət etmək olar. /lent.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.