Avto

Geri çəkilmiş kilometraj, silinmiş VIN: Nə qədər cəriməsi var?

12 İyun 2025 00:10

Baxış: 2 225

VTB-də minimal faiz dərəcəsi ilə nağd kredit 9.9%-dən

#MARAQLI #AVTO

Avtomobil alan şəxslər adətən düzgün və etibarlı seçim etməyə çalışsalar da, bazarda yayılmış bir sıra saxtakarlıqlar alıcıları həm maddi, həm də hüquqi cəhətdən çətin vəziyyətə sala bilir.

Milli.Az xəbər verir ki, avtomobilin qiymətinə təsir edən əsas amillər sırasında istehsal ili, mühərrikin həcmi, texniki vəziyyəti, qəza tarixi və digər faktorlarla yanaşı, nə qədər yol qət etdiyi (yəni kilometraj) də önəmli yer tutur.

Lakin təəssüf ki, bəzən satıcılar kilometraj göstəricilərini bilərəkdən geri çəkməklə qiyməti süni şəkildə artırmağa çalışırlar. Həmçinin qəza keçirmiş avtomobillərin bərpa edilərək təzə kimi təqdim olunması, eləcə də VIN-kodların silinməsi kimi hallar da bazarda rast gəlinən dələduzluq nümunələrindəndir.

Mövzu ilə bağlı hüquqşünas Hikmət Əliyev bildirib ki, belə hallarda alıcıya vurulan maddi zərərin məbləği cəzanın formasını müəyyənləşdirir:

"Əgər alıcıya dəyən zərər 300 manatdan azdırsa, fiziki şəxslər 350-500 manat, vəzifəli şəxslər 1500-2000 manat, hüquqi şəxslər isə 4000-6000 manat arasında cərimələnə bilər. Ziyan 300 manatı keçərsə, həmin şəxsləri 3000-5000 manat cərimə və ya 360-480 saat ictimai işlər cəzası gözləyə bilər", - deyə o bildirib.

Avtomobilin yalnız xarici görünüşə güvənmək risklidir. Alıcılar mütləq texniki vəziyyəti yoxlamalı və VIN kodu araşdırmalıdırlar. Əks halda nəticələr ürəkaçan olmaya bilər.

Asya
Milli.Az