Avto

"Əlimyandı" adı ilə satışa çıxan ucuz maşınlar - Rəqəm oyunu

23 May 2025 11:12

Baxış: 4 857

VTB-də minimal faiz dərəcəsi ilə nağd kredit 9.9%-dən

#İQTİSADİYYAT #AVTO #MAŞIN BAZARI

Avtomobil qiymətləri aşkar şəkildə manipulyasiya edilir. Redaksiyamıza daxil olan şikayət də bunu deməyə əsas verir. Adını açıqlamaq istəməyən şəxs bildirib ki, sosial şəbəkələrdə "əlimyandı", "cekpot" adı ilə həddindən artıq ucuz qiymətə təqdim olunan elanlar başdan ayağa saxtakarlıqdır.

"Ucuz qiymətə BMW modelləri satışa çıxarmışdılar, salona getdim, dedilər
"satılıb, başqa modellərimiz var", elan isə avtomobil alqı-satqı saytında baha qiymətə qalırdı, maşının sahibi də deyir ki, maşın satılmayıb ancaq oradakı qiymətə deyil. Bu artıq ikinci dəfədir baş verir. Həmçinin digər alıcılar da deyir ki, bu kimi elanlara aldanıb zəng edirsən ya zəngə cavab verilmir, ya da deyilir ki, satılıb", - şikayətçi Milli.Az-a müraciətində qeyd edib.

Kiçik araşdırma nəticəsində məlum olub ki, deyilənlərdə yalan payı yoxdur. Belə ki, bu kimi elanların məqsədi alıcını salona cəlb etmək, qiymətləri manipulyasiya etməkdir. Onlar qiyməti bu dərəcədə salaraq avtomobil sahiblərindən maşınları ucuz qiymətə alaraq özləri sonradan daha yuxarı qiymətə satmağa çalışırlar. Bu kimi hallar Türkiyədə də yaşanıb. Saxta elanlarla qiymətləri manipulyasiya edən şəxslər bir müddət sonra polis tərəfindən saxlanılaraq həbs edilib.

Ekspertlər xəbərdarlıq edir ki, ikinci əl avtomobil alarkən xüsusilə diqqətli olmaq lazımdır. Ucuz qiymətə aldanaraq qaranlıqda və ya tələsik şəkildə maşın almaq alıcını ciddi maddi ziyana sala bilər. Bəzi avtomobillərin detalları ya çox bahadır, ya da ümumiyyətlə tapılmır. Bu səbəbdən alıcılar qiymət deyil, maşının texniki vəziyyətinə əsasən qərar verməlidir.

İslam
Milli.Az