Tez-tez maşın yuduzduranların NƏZƏRİNƏ: Belə yumaq...

Avtomobilin təmiz saxlanması həm estetik görünüş, həm də texniki baxımdan vacib hesab olunur. Lakin mütəxəssislər xəbərdarlıq edirlər ki, avtomobil yuyularkən edilən adi bir səhv, uzun müddət ərzində maşının korroziyaya uğramasına və nəticədə istifadəyə yararsız hala düşməsinə səbəb ola bilər.

Milli.Az edilən bəzi səhvləri sizə təqdim edir:

Təzyiqli su ilə ehtiyatsız davranmaq ciddi nəticələrə səbəb ola bilər

Ən çox rast gəlinən səhvlərdən biri, yüksək təzyiqli suyun avtomobilə yanlış bucaq və məsafədə tətbiq edilməsidir. Mütəxəssislər bildirirlər ki, bu, avtomobilin alt hissəsində və karobka birləşmələrində qoruyucu örtüklərin zədələnməsinə, nəticədə pas və çürüməyə yol açır. Həmçinin, təzyiqli suyun elektrik birləşmələrinə çatması ciddi elektron nasazlıqlara səbəb ola bilər.

Yuyucu vasitələr düzgün seçilməlidir

Məişətdə istifadə edilən sabun və deterjanlarla avtomobil yumaq da geniş yayılmış, lakin zərərli vərdişdir. Bu məhsulların tərkibi avtomobil boyasını və lakını zədələyə, səthin matlaşmasına, çatlamasına və vaxtından əvvəl köhnəlməsinə səbəb ola bilər. Xüsusilə günəş işığı və nəmlə təmasda olduqda bu təsirlər daha da güclənir.

Avtomobilin düzgün yuyulması üçün mütəxəssis tövsiyələri

Mütəxəssislər avtomobil yuma zamanı aşağıdakı tövsiyələrə əməl etməyi tövsiyə edirlər:

Yalnız avtomobillər üçün nəzərdə tutulmuş pH balanslı şampunlardan istifadə edin.

Yüksək təzyiqli suyu avtomobilə çox yaxın məsafədən tətbiq etməyin.

Suyun tətbiq bucağı üfüqi saxlanılmalı, həssas bölgələrə - qapıaltı hissələrə, qanadların içinə və kapot altına xüsusi diqqət yetirilməlidir.

Avtomobil yuyulduqdan sonra qurudulmalıdır ki, su ləkələri və pas əmələ gəlməsinin qarşısı alınsın.

Avtomobilin ömrünü uzatmaq istəyən sürücülər bu təlimatlara əməl etməli və yuma vərdişlərini yenidən nəzərdən keçirməlidirlər. Əks halda, avtomobili təmizlədiyinizi düşünərkən, bilmədən ona ciddi zərər verə bilərsiniz.

Fidan
Milli.Az