Avto

Ən ucuz elektromobillər: 3 mindən 600 minə..

7 Aprel 2025 09:49

Baxış: 502

VTB-də minimal faiz dərəcəsi ilə nağd kredit 10.49%-dən

#MARAQLI #AVTO #ÇİN #ABŞ

2025-ci ilin yanvar ayında Azərbaycana 6 mln. 588.14 min ABŞ dolları dəyərində 139 ədəd yalnız elektrik mühərriklə hərəkətə gətirilən nəqliyyat vasitələri idxal olunub.

Milli.Az xəbər verir ki, idxal olunan elektromobillərin 1 ədədinin gömrük dəyəri təxminən 80 574 manat olub.

Məlumata əsasən idxalın əsas hissəsi Çin, ABŞ və Almaniyadan təmin olunub. Belə ki, cari ilin ilk ayında Çindən 75 ədəd, ABŞ-dən 32 ədəd, Almaniyadan isə 25 ədəd elektromobil idxal olunub.

Koreya Respublikası və Yaponiyanın hər birindən 2 ədəd, Böyük Britaniya və Şimali İrlandiyanın Birləşmiş Krallığı, Türkiyə və Avstriyanın hər birindən 1 ədəd idxal həyata keçirilib.

Qeyd edək ki, Çindən idxal olunan avtomobillərin 1 ədədinin gömrük dəyəri təxminən 50 611 manat, ABŞ və Almaniyadan idxal olunan elektromobillərin 1 ədədinin gömrük dəyəri müvafiq olaraq 28 871 manat və 216 827 manat olub.

Koreya Respublikasından gətirilənin 1 ədədi 33 150 manata, Yaponiyadan gətirilənin 1 ədədi isə 31 365 manata başa gəlib.

Yuxarıda qeyd olunduğu kimi hər birindən 1 ədəd olmaqla Böyük Britaniya və Şimali İrlandiyanın Birləşmiş Krallığından 672 384 manata, Türkiyədən 3468 manata və Avstriyadan isə 254 473 manata elektromobil idxalı olub.

Ölkə	miqdarı	1 ədədinin orta qiyməti
Böyük Britaniya və Şimali İrlandiyanın Birləşmiş Krallığı	1	672 384 AZN
Avstriya	1	254 473 AZN
Almaniya	25	216 827 AZN
Çin	75	50 611 AZN
Koreya Respublikası	2	33 150 AZN
Yaponiya	2	31 365 AZN
Amerika Birləşmiş Ştatları	32	28 871
Türkiyə	1	3468 AZN

Sözügedən dövrdə Azərbaycandan ixrac isə Belarus (6 ədəd), BƏƏ (1 ədəd) və Gürcüstana (2 ədəd) olub. Belə ki, Belarusa ixrac olunanın 1 ədədi 79 333 manat, Gürcüstana ixracın 1 ədədi 76 500 manat olub.

BƏƏ-yə ixrac olunan 1 avtomobil isə qarşı tərəfə 281 962 manata başa gəlib.//valyuta.az

Milli.Az