Avto

30 ilin "4 fara"sı niyə 17 min manata satılır?

17 Mart 2025 11:22
Baxış: 2 972
VTB-də minimal faiz dərəcəsi ilə nağd kredit 9.9%-dən
#AVTO #AVTOMOBİL #MAŞIN BAZARI

Azərbaycan avtomobil bazarında bəzi modellərin qiymətlərinin həddindən artıq şişirdildiyi müşahidə olunur. Xüsusilə "4 fara" kimi tanınan Mercedes modelləri və "Hyundai Elantra" bu baxımdan diqqət çəkən avtomobillərdəndir.

Dünya bazarlarında çoxdan istismara yararsız hesab olunaraq metalloma kimi göndərilən "4 fara" modelləri Bakıda 16-17 min manata satılır. "Hyundai Elantra"nın 2011-2016-cı illər arasında istehsal edilmiş modelləri isə yeniləri ilə demək olar ki, eyni qiymətdə təklif olunur. Bu qiymətləndirmə bazarın tələb-təklif prinsiplərinə uyğun görünməklə yanaşı, şışirdilmə faktoru da aşkar hiss edilir.

Avtomobilin istismar müddəti və texniki vəziyyəti onun dəyərinin müyən edilməsində əsas amillərdəndir. Hər bir növ avtomobil mütəmadi qulluq və texniki baxış tələb edir. Bəzi hallarda alman avtomobillərinin yapon və koreya modellərinə nisbətən daha uzun ömürlü olması qeyd olunsa da, bu, 30 ildən çox yaşı olan avtomobilin 17 min manata satılmasına haqq qazandırmır.

Ekspertlər bildirir ki, bu cür qiymət artımları bazarda spekulyativ yanaşmanın və satıcıların subyektiv qiymətləndirməsinin nəticəsidir. Alıcıların diqqətli olması və avtomobil almazdan öncə texniki qiymətləndirmə aparması məsləhət görülür. Qiymətlərin bu cür şışirdilməsi bazarda rəqabət prinsipinə və alıcı müdafiəsinə ziddir.

İslam
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.