Avto

“Honda” 1,1 milyon avtomobili geri çağırır

12 Dekabr 2023 21:58
Baxış: 3 294
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Honda" yanacaq nasosunun nasazlığı ilə bağlı 1,1 milyon avtomobili geri çağırır.

Milli.Az yeniavaz.com-a istinadla xəbər verir ki, Yaponiya korporasiyası daxili bazar üçün 2017-ci ilin iyunundan 2020-ci ilin sentyabrına qədər buraxılmış 25 modelin risk altında olduğunu təsdiqləyib.

Belə ki, bütün avtomobillər qüsurlu "Denso" yanacaq nasosu ilə təchiz edilib. Qüsurun səbəbi kimi isə nasosda istifadə edilən polimerin keyfiyyəti əsas göstərilib. Nasosda aşağı keyfiyyətli polimerdən istifadə edildiyi üçün benzin təchizatı məhdudlaşdırıla, bu da mühərrikin dayanmasına səbəb ola bilər. "Denso" rəhbəri artıq tərəfdaşlardan və müştərilərdən üzr istəyib.

"Honda" isə bildirib ki, yanacaq nasosunun nasazlığı ABŞ-dən Yaponiyaya gətirilən 204 NSX idman avtomobili də daxil olmaqla 1 milyon 138 min 46 avtomobilə təsir edib.
Şirkət daxili bazar üçün nəzərdə tutulan demək olar ki, bütün minik avtomobillərinin, o cümlədən "key" avtomobillərin risk altında olduğunu bildirib. Artıq 422 müştəri məsələ ilə bağlı "Honda"ya şikayət məktubu ilə müraciət edib.

"Denso" isə yanacaq nasoslarının təsirinə təkcə "Honda"nın yox, 2020-ci ilin mart ayından etibarən "Toyota", "Daihatsu", "Mazda" və "Subaru" kimi markaların da məruz qaldığını bildirib. Belə ki, bu şirkətlər də eyni problemlə bağlı avtomobillərini geri çağırmağa məcbur olublar.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.