Ermənistan

Fransanın Gorusda nə işi var?

3 İyun 2025 14:38
Baxış: 1 616
VTB-də minimal faiz dərəcəsi ilə nağd kredit 9.9%-dən
#ERMƏNİSTAN

Gorus şəhərində Ermənistan və Fransa arasında əməkdaşlığa dair sayca 5-ci konfrans öz işinə başlayıb.

Milli.Az xəbər verir ki, üç gün davam edəcək tədbirin məhz bu şəhərdə keçirilməsi Ermənistan tərəfinin açıqlamasına görə, bölgənin strateji əhəmiyyəti ilə bağlıdır.

Ekspertlər isə bildirirlər ki, bu tədbirin arxasında Fransanın Cənubi Qafqazda mövqelərini möhkəmləndirmək cəhdi dayanır. Onların fikrincə, əgər məqsəd yalnız regional əməkdaşlıq olsaydı, Sünik vilayəti ilə Fransanın Ron-Alp bölgəsi arasında bu qədər geniş miqyaslı əlaqələr nəzərdə tutulmazdı.

Xatırladaq ki, Ron-Alp bölgəsinin inzibati mərkəzi Fransanın Lyon şəhəridir. Konfrans çərçivəsində Sünikdə Fransa konsulluğu da açılıb. Bəzi mənbələr konsulluğun fəaliyyət sahəsinin yalnız diplomatik çərçivə ilə məhdudlaşmadığını, müəyyən kəşfiyyat funksiyaları da daşıya biləcəyini iddia edirlər.

Politoloqların fikrincə, Azərbaycanla şərti sərhədə yaxın bir ərazidə belə bir diplomatik nümayəndəliyin açılması və xüsusilə sülh prosesi və Zəngəzur dəhlizi kimi həssas mövzular fonunda Fransa tərəfindən atılan bu addım regionda gərginliyi artırmaq riski daşıyır.

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.