Ermənistan

Serj Sarqsyanın "Dizel işi" üzrə bəraət hökmü ləğv edildi

18 Aprel 2025 21:23
Baxış: 2 014
VTB-də minimal faiz dərəcəsi ilə nağd kredit 9.9%-dən
#ERMƏNİSTAN

Apellyasiya Məhkəməsi Ermənistanın üçüncü prezidenti Serj Sarkqyana bəraət hökmünü ləğv edib və "dizel işi"nin yenidən araşdırılmasına qərar verib. Onun və digərlərinin işi yenidən baxılması üçün göndərilib.

Milli.Az oxu.az-a istinadən xəbər verir ki, bu barədə Ermənistan Baş Prokurorluğundan məlumat verilib.

Məlumata görə, Korrupsiyaya Qarşı Mübarizə Apellyasiya Məhkəməsi prokurorluğun şikayətini təmin edib və "dizel işi" üzrə ümumi yurisdiksiya məhkəməsinin bəraət hökmünü ləğv edib.

Xatırladaq ki, 2024-cü il mayın 31-də Serj Sarqsyan "dizel işi"ndə cinayətin sübutunun olmaması səbəbindən bəraət alıb. Məhkəmə həmçinin digər təqsirləndirilən şəxslərə - "Fleş" şirkətinin sahibi Barseq Beqlaryan və 2013-cü ildə Kənd Təsərrüfatı Nazirliyində bitkiçilik şöbəsinə rəhbərlik etmiş Qevork Arutyunyana da bəraət verib.

Qeyd edək ki, Serj Sarqsyan neft məhsulları idxalçısı olan "Fleş" şirkətinə 2013-cü ildə fermerlərə subsidiyalaşdırılmış dizel yanacağı tədarükü üzrə tenderdə qalib gəlməyə kömək etməkdə ittiham olunurdu. Eyni zamanda, "Fleş" rəqiblərindən bir milyon dollar baha qiymət təklif edib, amma yenə də müqaviləni əldə edib.

Həmçinin 2025-ci ilin martında Sarqsyana qarşı torpaq sahələrinin qanunsuz özgəninkiləşdirilməsi ilə bağlı yeni ittihamlar da irəli sürülüb.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.