Ermənistan

Ermənistanda hərbi hissəyə hücum edildi

11 İyul 2024 11:46

Baxış: 2 084

#ERMƏNİSTAN

Ermənistanda mülki şəxslər hərbi hissəyə hücum ediblər.

Milli.Az Trend-ə istinadən bildirir ki, bu barədə Ermənistan İstintaq Komitəsi məlumat yayıb.

Bildirilib ki, hadisə Müdafiə Nazirliyinin Sisiandakı hərbi hissələrindən birində baş verib. Keçid məntəqəsində mülki şəxslər hərbçilərlə münaqişəyə girərək onları vurub və qaz tapançasından havaya atəş açıblar.

İstintaq Komitəsi üç nəfərin həbs edildiyini açıqlayıb. Məlumat verilib ki, üç yerli sakin Ermənistan Cinayət Məcəlləsinə görə ittiham olunaraq həbs edilib.

Ermənistanın İstintaq Komitəsinin yaydığı rəsmi açıqlamada bildirilir ki, hərbi hissənin ərazisinə qanunsuz daxil olmaq, xuliqanlıq və hərbi qulluqçulara qarşı zorakılıq ittihamı ilə 3 nəfər saxlanılıb.

2024-cü il iyulun 7-də saat təxminən 21:30-da Sisyan sakinlərindən ibarət bir qrup mülki şəxs, onlara yaxın adam olduğu iddia edilən əsgərlə bağlı xidməti məsələni aydınlaşdırmaq məqsədilə Ermənistan Müdafiə Nazirliyinin N hərbi hissəsinin ərazisinə qanunsuz daxil olub.

Onlar növbətçi tərəfindən hərbi hissənin ərazisindən çıxarıldıqdan sonra, qapının önündə hərbi hissənin batalyon zabiti və bir müqaviləli hərbi qulluqçu ilə mübahisə edərək, sözügedən hərbi qulluqçulara zərbələr endirərək onlara bədən xəsarətləri yetiriblər. Mülki şəxslərdən biri qaz tapançası ilə havaya atəş açıb.

Milli.Az
Xəbərlərimizi WhatsApp kanalımızdan da oxuyun