Ermənistan

Qarabağın statusu məsələsini Azərbaycanın daxili işi sayırıq - Ararat Mirzoyan

5 İyun 2023 13:22
Baxış: 2 039
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Qarabağın erməni əhalisinin təhlükəsizliyi və hüquqları ilə əlaqədar bütün məsələlər Xankəndi-Bakı dialoqu çərçivəsində həll olunmalıdır. Ermənistan Qarabağın statusu barədə danışıqların aparılmasına iddia etmir, belə ki, bunun üçün mandatı yoxdur.

Milli.Az Trend-ə istinadən bildirir ki, bunu Ermənistanın xarici işlər naziri Ararat Mirzoyan 2022-ci il üzrə büdcənin icrasına dair müzakirələrdə deyib.

"Bəli, biz Qarabağ əhalisindən onun gələcəyi barədə danışıqlar aparmaq üçün mandat almamışıq. Statusun müəyyən edilməsi məsələsində də buna iddia və ya cəhd etmirik", - Mirzoyan deyib.

"İrəvan Ermənistan-Azərbaycan münasibətlərinin tənzimlənməsi prosesində yalnız Qarabağ erməniləri və rəsmi Bakı arasında dialoqun mexanizmini müzakirə edir, belə ki, onsuz dialoq prosesi natamam və uzunmüddətli ola bilər", - deyə Ermənistanın xarici işlər naziri deyib.

Xatırladaq ki, bundan əvvəl də Ermənistanın baş naziri Nikol Paşinyan Azərbaycanın 86,6 kv. km ölçüdə ərazi bütövlüyünü tanıdığını bildirib ki, buraya həm Qarabağ, həm də Sovet Azərbaycanının anklavları (qazaxın 7 kəndi və Naxçıvanın Kərki kəndi) daxildir.

Milli.Az 

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.