Ermənistan

“Adamları müəyyən pul qarşılığında buraxırlar"- erməni deputatdan Paşinyana ittiham

29 Noyabr 2022 16:28
Baxış: 1 047

Ermənistanın üçüncü prezidenti Serj Sarkisyanın qardaşı Aleksandr Sarkisyan ilyarım öncə cinayət işi çərçivəsində dövlətə 3.5 milyard dram, yaxud 7 milyon dollara yaxın vəsait köçürüb.

Milli.Az erməni mediasına istinadən xəbər verir ki, Baş prokurorluğun məlumatına görə, Sarkisyan bu pulu 2018-ci ildə hakimiyyət dəyişikliyindən sonra açılmış cinayət işi üzrə, cinayət nəticəsində vurulmuş ziyanın, cərimələrin ödənməsi üçün köçürüb. Elə buna görə də Sarkisyan cinayət məsuliyyətinə cəlb olunmayıb.  Azatutyun yazır ki, cinayət işi vergilərdən, digər məcburi ödənişlərdən qəsdən yayınma maddəsi üzrə açılıb, əmlakı müsadirə olunmaqla 5 ildən 10 ilədək həbs cəzası nəzərdə tutub. Sarkisyan isə vaxtilə yayındığı vergiləri ödədiyindən ona qarşı cinayət təqibi davam etdirilməyib.

Gəlirlərin 50 faizi

2018-ci ilin "Məxməri inqilab"ından əvvəl və sonra müxalifət dairələrində, daha geniş ictimaiyyət arasında belə bir fikir dolaşırdı ki, Serj Sarkisyanın "qüdrətli" qardaşı Ermənistanda müxtəlif gəlirli müəssisələrin payına qanunsuz girərək gəlirin 50 faizini əldə edib. Baş nazir Nikol Paşinyan hakimiyyətə gələndən bir neçə ay sonra deyirdi ki, Aleksandr Sarkisyanın Ermənistanın bank hesablarının birindəki pullarına həbs qoyulub.

"Deyirdilər, soruşurdular axı, Saşikin 50 faizi hardadır? Mən də soruşuram, hardadır? Serj Sarkisyanın qardaşı Saşik Sarkisyanın Ermənistanda bankda 30 milyon dolları var və bütün pullara həbs qoyulub", - Paşinyan 2018-ci ildə deyirdi.

Qarabağa ayrılan pullar

Baş prokurorluq onu da bildirir ki, 66 yaşlı Sarkisyan 7 milyon dollardan savayı, Qarabağın "silahlı qüvvələrinə və hərbçilər fonduna" 20.5 milyon dollar ianə köçürüb. Aleksandr Sarkisyan ümumilikdə 27.5 milyon dollar ödəyib. Sarkisyana qarşı iki cinayət işinin olduğu bildirilir. Birində söhbət illər ərzində müxtəlif müəssisələrdə qanunsuz paylardan gedir. Paşinyan müxalifətdən deputat olanda bu haqda danışırdı. Hüquq müdafiəçisi Zarui Ovanisyan Paşinyan komandasının ictimaiyyətin gözləntilərini doğrultmadığını deyib. "Adamları müəyyən pul kompensasiyası qarşılığında buraxırlar. Belə təəssürat yaranır ki, belə bəyanatlar, sadəcə, qanunsuz olub, üstəlik, hüquq-mühafizə orqanları gərəkən təhqiqatı aparmayıb, yetərincə fakt toplamayıb", - o vurğulayıb.

280 min dollarlıq rəsm əsərləri

Sarksyan həmçinin Martiros Saryanın rəsmləri ilə bağlı dələduzluqda suçlanıb. İttihamnaməyə görə, Sarksyanın oğlu Narek Sarkisyan Saryanın etibarından sui-istifadə edərək 280 min dollarlıq rəsm əsəri alıb, ona 28 min dollar ödəmək, qalan pula birgə kazino açmaq, obyektin fəaliyyətinə himayədarlıq vəd edib. Əsərləri ələ keçirən Sarkisyan vədinə əməl etməyib. Baş prokurorluq bu cinayət işinin cinayət tərkibi olmadığı üçün bağlandığını bildirir. "Azatutyun" yazır ki, görünür, Sarksyanlar tanınmış rəssamın işlərini özlərinin Tumanyan küçəsindəki mənzillərində gizlədəndə cinayət etməyiblər.

2018-ci ili iyulunda Milli Təhlükəsizlik Xidməti Sarkisyanların mənzilində 9 saat axtarış aparıb. Bundan sonra Aleksandr Sarkisyan nəzarətə alınıb. Saryanın əsərləri də onun mənzlində aşkarlanıb. Rəssamın əl işləri Milli Qalereyaya yerləşdirilsə də, hazırda onların əvvəlki yerdə, Sarkisyanların paytaxt Yerevandakı mənzilində olduğu bildirilir.

Azər Nuriyev
Milli.Az

Məqaləyə dair fotomateriallar:

5 ilədək dəyişməz 14,5%-dən zaminsiz, komissiyasız 40 000 manatadək kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics