Ermənistan

İrəvan özünə KTMT şilləsi vurur

23 Noyabr 2022 11:20
Baxış: 1 336

Ermənistan müstəqillik tarixinin ən rəzil günlərindən birini yaşayır.  Paytaxt İrəvanın bir hissəsində Kollektiv Təhlükəsizlik üzrə Müdafiə Təşkilatının (KTMT) Kollektiv Təhlükəsizlik Şurasının İrəvanda toplantısı keçirilir, digər hissəsində isə bu tədbirə və orada Rusiya prezidenti Vladimir Putinin iştirakına etiraz aksiyası keçirilir.  Və aksiyada KTMT uğursuzluq, Qarabağ məğlubiyyətinin səbəbkarı kimi göstərilir.

Həqiqətən də, erməni rəzilliyi bitib-tükənmir. Bəllidir ki, baş nazir Nikol Paşinyan hakimiyyətə gələndən sonra ilk işi KTMT-yə qarşı açıq müharibə elan etmək oldu, hətta həmin dönəm sədrliyini edən erməni generalını həbs etdirməkdən də çəkinmədi. Və ilk illər qərbpərəst siyasət yürütməsi, Rusiyanın maraqlarına arxa çevirməsi, Ermənistan-Rusiya münasibətlərində soyuqluq yaranması ilə yadda qaldı.

"Rusiya prezidenti Vladimir Putinin səfəri ərəfəsində erməni qərbpərəstlər, daha doğrusu Nikol Paşinyanın əlaltıları arasında sözlə ifadə olunmayan isteriya yaranıb. Hər yerdə və bacardıqca tez-tez Putini etiraz aksiyaları ilə qarşılamağa, rus mədəniyyətinə aid heykəlləri dağıtmağa dair fikirlər səsləndirirlər. "KTMT düşməndir" başlığı ilə materiallar yayırlar". Bu xəbəri "Hraparak" qəzeti yayıb. Qəzetin yazdığna görə, "aksiyaya çağırış edənlər noyabrın 23-də Azadlıq meydanına toplaşacaqlarını qeyd edirlər. Paşinyan tərəfdarları KTMT üzvlərini, xüsusilə də Putini İrəvanda etirazlarla qarşılamağı erməni xalıq üçün ləyaqət məsələsi hesab edirlər", - məlumatda deyilir.

Onu da qeyd edək ki, Ermənistan hakimiyyəti 44 günlük müharibədən sonra isə dəfələrlə çalışdı ki, KTMT-ni Azərbaycana qarşı addımlar atmağa sövq etdirsin. Lakin məqsədinə çata bilmədi. Elə KTMT-nin videoformat şəklində keçirilən iclaslarında Paşinyan Azərbaycanı "təcavüzdə" ittiham etsə də, qurumda təmsil olunanlar onu dəstəkləmədilər.  Paşinyana ən ağır formada cavabı isə Belarus prezidenti Aleksandır Lukaşenko səsləndirdi. Belarus prezidenti açıq bəyan etdi ki, bütün məsələləri Prezident İlham Əliyevlə həll etmək lazımdır. Hətta onu da dedi ki, bu gün qərar verməsəniz, daha pis olacaq. O cümlədən, iclasda iştirak edən Qazaxıstan prezidenti Tokayev də oxşar mövqe ortaya qoydu. Və indi də toy-bayramla KTMT-nin toplantısını keçirir. Və sonda bir faktı qeyd edək ki, Rusiya prezidenti İrəvana getməzdən öncə Azərbaycan prezidentinə zəng etdi. Hesab etmək olar ki, bu zəng ermənilər üçün çox mətləblərdən xəbər verməlidir.

Azər Nuriyev
Milli.Az

Məqaləyə dair fotomateriallar:

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics