Amerika

Venesuelanın yeni prezidenti and içərək fəaliyyətə başladı

5 Yanvar 2026 23:28

Baxış: 1 763

VTB-də minimal faiz dərəcəsi ilə nağd kredit 10.49%-dən

#VENESUELA

ABŞ-nin hərbi əməliyyatı nəticəsində ələ keçirilərək Nyu-Yorka aparılan Venesuela Prezidenti Nikolas Maduronun yerinə vitse-prezident Delsi Rodrigez rəsmən fəaliyyətə başlayıb. Rodrigez and içdikdən sonra Venesuelanın müvəqqəti yeni prezidenti olub.

Milli.Az xəbər verir ki, ABŞ-nin Venesuelaya qarşı həyata keçirdiyi əməliyyat dünyanın bir nömrəli mövzusuna çevrilib. Nikolas Maduro və həyat yoldaşı Siliya Flores saxlanılaraq ABŞ-a gətirilib və məhkəmə qarşısına çıxarılıb.

Əvvəlcə ABŞ-yə sərt etiraz edən, lakin sonradan daha yumşaq bəyanatlar verən Maduronun köməkçisi Delsi Rodrigez artıq ölkəni müvəqqəti rəhbər kimi idarə edir. O, andiçmədən sonra özünün "Instagram" hesabından dünyaya və ABŞ-yə mühüm mesajlar yayımlayıb:

Rodrigez xarici təhdidlərdən uzaq, qarşılıqlı hörmətə və beynəlxalq əməkdaşlığa əsaslanan bir mühitdə yaşamaq istədiklərini bildirib.

"Prezident Donald Tramp, xalqlarımız və bölgəmiz müharibə deyil, sülh və dialoq layiqdir," - deyən Rodrigez, bu mesajın artıq bütün Venesuelanın ortaq mövqeyi olduğunu vurğulayıb.

Venesuela Ali Ədalət Məhkəməsi (TSJ) Maduronun yoxluğunda dövlət idarəçiliyinin davamlılığını təmin etmək üçün prezidentlik səlahiyyətlərinin Rodrigezə verilməsinə qərar verib.

Qeyd edək ki, Rodrigez ilk çıxışlarında ABŞ-dən Maduronun dərhal sərbəst buraxılmasını tələb etmiş və ABŞ rəhbərliyini beynəlxalq hüququ pozmaqda ittiham edərək "Venesuela heç bir ölkənin koloniyası olmayacaq" demişdi. Lakin son bəyanatlar onun ABŞ ilə müəyyən bir dialoqa açıq olduğunu göstərir.

Lalə Qüdrətova
Milli.Az