Kulinariya

Çin fətiri - FOTO

29 Aprel 2016 07:00

3 Şərh Baxış: 5 936

VTB-də minimal faiz dərəcəsi ilə nağd kredit 9.9%-dən

#KULİNARİYA

Milli.Az göy soğanla çin fətirinin hazırlanma qaydasını təqdim edir

Tərkibi (4 pay):

225 q un

150 ml qaynar su

1 ç.q. küncüt yağı

4 göy soğan

bitki yağı (zövqə görə)

Unu ləyənə ələyin, duz, küncüt yağı və qaynar su qatıb taxta qaşıqla sürətlə qarışdırın, un tam islanıb ovuntuq kimi xəmir alınacaq. Bir qədər soyudub əlinizlə yoğurun.

Kündələyib üzərinə dəsmal çəkin, 20-30 dəqiqə saxlayın.

Göy soğanı yuyub xırda doğrayın.

Masaya un səpib xəmiri 2-3 mm qalınlıqda düzbucaqlı yayın. Üzərinə bitki yağı çəkin (zövqə görə - günəbaxan, qarğıdalı, küncüt, acı sevirsinizsə, çili yağı və s.). Üzərinə doğranmış soğanı səpin.

Sıx rulet kimi bükün, 12 dilimə doğrayın.

Hər dilimin ucunu bərkidin, sonra əlinizlə yastılayıb, 10 sm diametrində yayın. Yaxşı olar ki, bu zaman çox un səpməyəsiniz, çünki qızardanda həmin un yanacaq.

Bitki yağını tavada orta itilikli odda qızdırın, fətirləri düzüb qızılı rəng alanadək hər iki üzünü qızardın.

Nuş olsun!

Milli.Az