Mədəniyyət

Azərbaycanlı aktyorları laboratoriyaya göndərirlər - FOTO

14 Aprel 2015 11:32
Baxış: 1 616
VTB-də minimal faiz dərəcəsi ilə nağd kredit 9.9%-dən
#RUSSİA #MƏDƏNİYYƏT #TEATR
19-26 iyun 2015-ci il tarixlərində Rusiyanın Moskva şəhərində gənc sənətçilərin bilik və təcrübəsinin artırılmasında böyük rol oynayacaq "Gənc rejissorların laboratoriyası" fəaliyyət göstərəcək. Burada gənclər dünyanın tanınmış sənətçilərindən ustad dərsləri alacaq, sənətin sirlərini daha dərindən öyrənmək imkanı əldə edəcəklər. Laboratoriya iştirakçıları həmçinin həmin vaxtlarda A.P.Çexov adına nüfuzlu Beynəlxalq Teatr Festivalının tamaşalarına baxa biləcək, dünya teatr sənətinin maraqlı nümunələri ilə tanış olacaqlar.

Azərbaycan Teatr Xadimləri İttifaqı Musiqili Teatrın əməkdaşlarına etimad göstərərək teatrda çalışan gənc rejissor Anar Sadıqovun və Əlif Cahangirovun məşğələlərdə iştirak etməsi üçün teatrın rəhbərliyinə müraciət etmişdir.

Qeyd edək ki, Əlif Cahangirov və Anar Sadıqov bu il həmçinin rejissor kimi Musiqili Teatrda debüt edəcəklər. Cavanlar istedadlı şair və tədqiqatçı İlqar Fəhminin "2015-ci kvartal" əsərinə müraciət ediblər. Əminik ki, onlar göstərilən etimadı doğrultmaq üçün bütün qüvvələrini səfərbər edəcəklər.

Hazırda Əlif Cahangirov teatrda aktyor kimi fəaliyyət göstərir və "Talelər qovuşanda" tamaşasında Murad, "Yatmış gözəl və yeddi cırtdan"da Kral və Prins obrazlarında çıxış edir. 2014-cü ildən Musiqili Teatrda rejissor assistenti vəzifəsində çalışan Anar Sadıqov isə "Qızıl toy" (O.Kazımi, R.Heydər), "O olmasın, bu olsun" (Ü.Hacıbəyli), "Yatmış gözəl və yeddi cırtdan" (A.Sadıqov) tamaşalarında rejissor assistenti olmuşdur.

Böyütmək üçün şəkillərə klikləyin.


Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.