Dünya

İran Xəzərə QOŞUN YIĞMAĞA BAŞLADI: əgər münasibətlər kəskinləşərsə... - ŞOK İDDİA - VİDEO

11 Oktyabr 2021 12:42
6 Şərh     Baxış: 6 506

Bu gündən etibarən Azərbaycanın Hərbi Dəniz Qüvvələri Xəzərdə komanda-qərargah təlimlərinə başlayıb.

Milli.Az Publika.az-a istinadən xəbər verir ki, Müdafiə Nazirliyinin dünən yaydığı məlumata əsasən hərbi gəmilərin və dəniz xüsusi təyinatlılarının iştirakı ilə keçiriləcək təlimdə Xəzər dənizinin ölkəmizə məxsus sektorunda enerji infrastrukturlarının mühafizə və müdafiəsi üzrə tapşırıqlar icra olunacaq. Komanda-qərargah təlimi oktyabrın 13-dək davam edəcək.

Azərbaycanın Hərbi-Dəniz Qüvvələrinin bu gündən başlayacaq təlimləri İranla artan gərginlik fonunda keçirilir. Bundan bir müddət əvvəl də Xəzərdə təlimlər keçirildi. Sentyabrın əvvəllərində Azərbaycan və Türkiyə xüsusi təyinatlılarının birgə təlimlərinin epizodlarından biri Xəzər dənizi akvatoriyasında keçirilmişdi.

Azərbaycanın Xəzərdə hərbi aktivliyi ilə eyni bir vaxtda İran da dənizdə güc nümayişinə cəhd edir. Bunu sübut edən görüntülər sosial mediada yayılıb. Telegram-kanallarda yayılan videogörüntülərə əsasən İnqilab Keşikçiləri Korpusunun donanması Xəzərdə bir neçə min sürətli kater cəmləşdirib. Elə həmin görüntülərdən birini təqdim edirik:

İnqilab Keşikçiləri Korpusunun media resurslarından götürülmüş videokadrlardan da aydın olur ki, katerlərin hamısı iriçaplı pulemyotla təchiz edilib. İram mənbələrinə görə, onların sayının 4 mindən çox olduğu bildirilir. O da qeyd olunur ki, sayın çox olması silah və döyüş texnikalarının zəifliyini kompensasiya etmək məqsədi daşıyır. Mənbələrdə qeyd olunur ki, Azərbaycanla münasibətlərin kəskinləşəcəyi təqdirdə, İran komandanlığı Bakı üçün xüsusi əhəmiyyətə sahib Xəzərdəki neft infrastrukturu obyektlərini "Moskit (ağcaqanad) donanması"ndan asanlıqla istifadə edərək hədəf ala biləcək.

İran əvvəllər də bu cür kiçik və sürətli katerlərdən Fars körfəzində və Hörmüz boğazında ABŞ donanmasının gəmilərini təqib etmək, sıxışdırmaq üçün istifadə edib. İriçaplı pulemyotdan başqa heç bir silahı olmayan sürətli katerlər ilk baxışdan dənizdə ciddi qüvvə hesab edilə bilməz. Lakin nəzərə almaq lazımdır ki, onlardan kütləvi şəkildə və qəfil istifadə etməklə müxtəlif diversiya əməliyyatları, o cümlədən neft-qaz platformalarına hücumlar həyata keçirmək mümkündür.

Milli.Az 

Şərh yaz:

6 Şərh:

  • Anonim
    @tt · 11 Oktyabr 14:5440

    qelet edirler xomeyninin bawin dawa doyurler.

    Cavab yaz
  • Anonim
    zero · 11 Oktyabr 15:3210

    Lap yaxshi , katerimizde olar ozde silahli

    Cavab yaz
  • Anonim
    !!! · 11 Oktyabr 15:3830

    Xain xoflu olar,atalarimiz deyib.

    Cavab yaz
  • Anonim
    Elshan · 11 Oktyabr 22:1923

    "Ne gulleye gelirlerrr...?! Vurasan atlarin ayaqlarindan, qalxalar shaha, chirpalar bunlari yere... ("Axrinci ashirim"dan Qemlonun nitqi)

    Cavab yaz
    • Anonim
      Elə belə · 15 Oktyabr 21:2630

      Vuruşsaydın Qarabagda indi Şəhid idin,day burda kompyuter aslanına dönməzdin .

      Cavab yaz
  • Anonim
    Hop-hop · 12 Oktyabr 00:1343

    İran erməni kimi davranır. çünki bu murdar canlılar qardaşdırlar.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.