Dünya

ABŞ "Pfizer" vaksininin saxlanma müddətini uzadıb

1 Oktyabr 2021 17:40

0 Şərh Baxış: 960

VTB-də minimal faiz dərəcəsi ilə nağd kredit 10.49%-dən

#VAKSİNASİYA

ABŞ-ın Qida məhsulları və dərmanların keyfiyyətinə Sanitar Nəzarət İdarəsi (FDA) koronavirus əleyhinə "Pfizer" vaksininin saxlanma müddətini yeniləyərək daha üç ay uzadıb.

Milli.Az Trend-ə istinadən bildirir ki, Yenilənmiş qaydalara əsasən, 2021-ci ilin mayında istehsal olunan "Pfizer-BioNTech" COVID-19 vaksininin yararlılıq müddəti daha üç ay, 2022-ci il fevralınadək uzadılıb. Əvvəl bu müddət altı aya bərabər idi.

Beləliklə, "Pfizer" vaksininin yeni təsdiq olunmuş saxlanma müddəti doqquz ay təşkil edir.

Qeyd edək ki, Azərbaycanda koronavirusa qarşı "Sinovac", "Pfizer" və "Sputnik V" vaksinlərindən istifadə olunur.

"Pfizer" vaksini ölkədə iyunun 7-də dövriyyəyə daxil olub. Bu vaksinlə peyvəndlənən vətəndaşlar Avropa İttifaqı ərazisində sərbəst hərəkət edə bilər.

"Pfizer" Ümumdünya Səhiyyə Təşkilatı tərəfindən 2020-ci il dekabrın 31-də təsdiqlənmiş ilk vaksin olub.

Milli.Az