Dünya

Vyanada peyvənd mərkəzi açılacaq

21 İyul 2021 20:50
0 Şərh     Baxış: 651
VTB-də minimal faiz dərəcəsi ilə nağd kredit 9.9%-dən

Koronavirusa qarşı peyvənd olunanların sayını artırmaq üçün Avstriya hökuməti əhaliyə qeydiyyatsız vaksinasiya imkanı yaratmaqla yanaşı peyvənd mərkəzlərinin sayını artırır.

Milli.Az AZƏRTAC-a istinadən bildirir ki, avqustun əvvəlindən etibarən paytaxt Vyananın mərkəzi kilsəsi olan Müqəddəs Ştefan Katedralında peyvənd mərkəzi fəaliyyətə başlayacaq. Vyana Baş Yepiskopluğundan bildirilib ki, saatda 20 nəfərin peyvənd olunacağı mərkəzdə peyvənd üçün əvvəlcədən qeydiyyatdan keçməyə gərək olmayacaq, eyni zamanda kilsənin daxilində vaksinasiyadan sonra qısamüddətli dincəlmək üçün şərait də yaradılacaq.

Vyana Şəhər Səhiyyə İdarəsindən bildirilib ki, şəhərdə əhalinin ən sıx hərəkət etdiyi məkanda yerləşən katedralın vaksinasiya mərkəzi üçün seçilməsi təsadüfi xarakter daşımır, bu yolla daha çox insanın peyvənd olunacağına ümid edilir. Bildirilib ki, Səhiyyə İdarəsinin müraciətinə Baş yepiskop kardinal Xristof Şönborn tərəfindən dərhal müsbət reaksiya verilib.

Qeyd edilməlidir ki, yay mövsümü başlayandan əhalinin peyvənd mərkəzlərinə axını azalıb. Vyana Film Festivalı və Alte Donau ərazisindəki "peyvənd kateri"ndə əvvəlcədən qeydiyyat tələb olunmayan peyvəndlənənlərin sayı isə artıb. Bu marağı nəzərə alaraq, Vyana şəhər rəhbərliyi əhalinin sıx hərəkət etdiyi məkanlarda vaksinasiya proqramını həyata keçirməyə çalışır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.