PUL
.jpg)
Dina Stars" kimi tanınan məşhur kubalı "YouTube" bloqeri Dina Fernandez canlı yayım zamanı saxlanılıb.
Milli.Az oxu.az-a istinadən bildirir ki, Fernandez müğənni Yotuel ilə birlikdə Kubada hökumət əleyhinə etirazlarla bağlı İspaniyanın "Kanal 4" televiziyasına müsahibə verərkən hüquq mühafizəçiləri onun evinə daxil olublar.
"Dövlətin təhlükəsizlik qüvvələri buradadır. Mən getməliyəm", - deyən bloqer reportajını yarımçıq qoyur. Onun dostu kamera və mikrofonu açıq qoyaraq kompüteri başqa otağa aparır. Bir neçə dəqiqə sonra bloqer geri qayıdaraq polisin onu aparmağa gəldiyini deyir.
Həbs anı videoya çəkilməsə də, nəşrin məlumatına görə, qıza qarşı güc tətbiq edilib.
Sonradan azadlığa çıxan bloqer sosial şəbəkə hesabında özü barədə məlumat verib.
Qeyd edək ki, iyulun 12-də Kubada hakim Kommunist Partiyasına qarşı uzun illərdən bəri ilk dəfə kütləvi etirazlar fonunda ölkədə fövqəladə vəziyyət elan edilib. Mövcud hökumətin müxalifləri azad seçkilər və COVID-19 pandemiyasına qarşı mübarizə üçün daha qəti addımlar tələb edirlər. Aksiyalar fonunda təhlükəsizlik qüvvələrinin qoşunları və əlavə bölmələri ölkənin paytaxtına toplanıb.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
