Dünya

Türkiyədə HDP əməkdaşını öldürən şəxs saxlanıldı - FOTO

18 İyun 2021 20:18
Baxış: 995

Ötən gün Xalqların Demokratik Partiyasının (HDP) İzmirdəki partiya binasına silahlı hücum edilib.

Milli.Az qafqazinfo-ya istinadən xəbər verir ki, günorta saatlarında həyata keçirilən hücum zamanı binada olan partiya işçisi Dəniz Poyraz güllə yarasından həyatını itirib.

Hadisəni törədən şəxsin keçmiş tibb işçisi Onur Gencer olduğu müəyyənləşdirilərək saxlanılıb.

Binanın olduğu əraziyə taksi ilə gələn Gencerin çantasında bıçaq və az miqdarda pul olduğu müəyyən edilib. Onun hücumu ABŞ istehsalı olan 9 mm-lik bir "Ruger" silahı ilə həyata keçirdiyi və daraqdakl 10 güllənin hamısını də istifadə etdiyi bildirilir.

"Kimsəni tanımıram. Heç kimlə əlaqə saxlamamışam. Terror təşkilatı PKK-ya nifrət etdiyim üçün belə bir şey etmək istədim. Binaya girdim və təsadüfi atəş etdim, sonra təslim oldum",- deyə Gencer qeyd edib.

Terrorla Mübarizə Şöbə Müdirliyi əməkdaşları tərəfindən tutulan Onur Gencer barədə həbs qərarı verilib.

Hadisə Türkiyədə böyük rezonans doğurub, iqtidar və müxalifət daxil olmaqla bir çox siyasətçi və ictimai fiqur tərəfindən qınanılıb.

Milli.Az 

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.