Dünya

Yaponiya hakimiyyət orqanları Olimpiada zamanı xarici mətbuatın hərəkətinə GPS vasitəsilə nəzarət edəcək

9 İyun 2021 22:49

Baxış: 768

VTB-də minimal faiz dərəcəsi ilə nağd kredit 9.9%-dən

#DÜNYADA

Yaponiya hakimiyyət orqanları Olimpiada zamanı koronavirusun yayılmasının qarşısını almaq üçün Tokioya gələn jurnalistlərin hərəkətinə GPS vasitəsilə nəzarət edəcək.

Milli.Az AZƏRTAC-a istinadən bildirir ki, bu barədə "Tokio-2020" Olimpiya və Paralimpiya Oyunlarının təşkilat komitəsinin sədri Seyko Haşimoto iyunun 8-də bəyan edib.

S.Haşimoto qeyd edib ki, xarici mətbuat üçün ayrılacaq mehmanxana yerlərinin sayı təqribən 350-dən 150-dək azaldılıb. Bu, jurnalistlərin daha sıx və əlaqələndirilmiş şəkildə hərəkətinə imkan yaradacaq.

Təşkilat komitəsinin sədri bildirib ki, xarici jurnalistlər Yaponiyaya gəldikdən sonra iki həftə ərzində onlara ictimai nəqliyyatdan istifadə qadağan ediləcək, şəhərdə işçi səfərlər isə yalnız əvvəlcədən müəyyən edilmiş yerlərə komitənin əməkdaşlarının nəzarəti ilə həyata keçiriləcək.

"Tokio-2020"-nin təşkilat komitəsinin baş katibi Toşiro Muto iclasdan sonra təşkil edilmiş mətbuat konfransında bildirib ki, xarici jurnalistlərin hərəkətinə nəzarət, onun fikrincə mətbuat azadlığının məhdudlaşdırılması ilə əlaqələndirilməməlidir. T.Muto əlavə edib ki, GPS vasitəsilə nəzarət Yaponiyaya gəldikdən 14 gün sonra arardan qaldırılacaq.

Xatırladaq ki, Tokio Olimpiadası 2020-ci ildə keçirilməli idi, lakin koronavirus pandemiyasına görə yarışlar bir il müddətinə təxirə salınıb. Martda təşkilatçılar əcnəbi azarkeşlərin yarışlara buraxılmaması barədə qərar qəbul ediblər. Yapon tamaşaçılara gəlincə isə bu barədə qərar ölkədə koronavirusla bağlı vəziyyəti nəzərə almaq şərti ilə iyunda qəbul ediləcək.

Milli.Az