Dünya

General Rusiyanı hədələdi: “Qarşıdurmanın qabağını alacağıq”

1 May 2021 19:49

Baxış: 1 447

VTB-də minimal faiz dərəcəsi ilə nağd kredit 9.9%-dən

#DÜNYADA

"Kosmos müharibə meydanına çevrilir, Rusiya və Çin ABŞ-ın peyklərini məhv edə biləcək silahlara sahibdir".

Milli.Az teleqraf.com-a istinadən bildirir ki, bunu ABŞ Kosmik Qüvvələrinin komandanı, general Con Reymond deyib.

"Hər kəsə məlumdur ki, kosmos hava, torpaq və dəniz kimi müharibə meydanıdır. Bu, son bir neçə ildə baş verir. Bizi davamlı olaraq hədələyən həm Çin, həm də Rusiya ya peyklərimizin işini poza biləcək, ya da onları məhv edə biləcək silahlar əldə edib", - general söyləyib.

O, kosmosda böyük güclər arasında qarşıdurmanın gücləndiyini, ABŞ-ın isə bunun qarşısını almaq istədiyini vurğulayıb.

Con Reymond ABŞ-ın peyklərdə və digər obyektlərdə ehtimal olunan fəlakətlərin qarşısını almaq üçün "kosmosun bələdçisi" rolunu oynamaq və baş verənləri idarə etmək niyyətində olduğunu da söyləyib.

Milli.Az