Dünya

ABŞ-ın Rusiyadakı səfiri Vaşinqtondadır

23 Aprel 2021 12:49
Baxış: 315

ABŞ-ın Rusiyadakı səfiri Con Sallivan yeni administrasiya ilə məsləhətləşmə üçün paytaxt Vaşinqtondadır.

Milli.Az qafqazinfo-ya istinadən xəbər verir ki, bu barədə "TASS" agentliyi məlumat verib.

"Bu səhər Moskvada hava çox möhtəşəm idi. Geri qayıtdığım üçün xoşbəxtəm, ailəmi görməyi və rəhbərlikdəki həmkarlarımla görüşməyi səbirsizliklə gözləyirəm",- deyə Sallivan Dallas Beynəlxalq Hava Limanında jurnalistlərə açıqlamasında bildirib.

C. Sallivan yaxın həftələrdə Rusiya və ABŞ Prezidentləri Vladimir Putinlə Co Baydenin planlaşdırılan görüşündən əvvəl Moskvaya dönəcəyini bildirib.

Xatırladaq ki, aprelin 16-sı Rusiya xarici işlər naziri Sergey Lavrov Moskvanın ABŞ-ın Rusiyadakı səfiri Con Sallivana "Vaşinqotona getməyi və orada ətraflı, ciddi məsləhətləşmələr aparmağı" tövsiyə etdiyini açıqlamışdı.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.