Dünya

ABŞ rəhbərliyi bütün mümkün vasitələrlə Yaponiyanı müdafiə edəcək

17 Aprel 2021 10:39

Baxış: 594

VTB-də minimal faiz dərəcəsi ilə nağd kredit 9.9%-dən

ABŞ hökuməti iki ölkə arasında 1960-cı ildə imzalanmış Qarşılıqlı Əməkdaşlıq və Təhlükəsizliyin Təmin Edilməsi barədə Müqaviləyə uyğun olaraq, nüvə silahı da daxil olmaqla bütün vasitələrdən istifadə olunmaqla Yaponiyanı müdafiə etməyə hazır olduğunu bəyan edib.

Milli.Az AZƏRTAC-a istinadən bildirir ki, bu barədə Ağ evin ABŞ Prezidenti Co Bayden və Yaponiyanın Baş naziri Yoşihide Suqa arasında aprelin 16-da Vaşinqtonda keçirilən görüşdən sonra yaydığı bəyanatda bildirilir.

Sənəddə deyilir: "ABŞ nüvə silahı da daxil olmaqla bütün imkanlardan istifadə edərək, Qarşılıqlı Əməkdaşlığın və Təhlükəsizliyin Təmin Edilməsi barədə Müqavilə çərçivəsində Yaponiyanın təhlükəsizliyinin müdafiəsinə sadiqliyini təsdiq edir".

Bildirilir ki, hər iki ölkənin liderləri ikitərəfli müqavilənin beşinci bəndinə uyğun olaraq, bu sənədin Yaponiyanın nəzarəti altında olan, lakin Çinin də iddia etdiyi Senkaku (Dyaoyuydao) adalarına aid olduğunu da qeyd ediblər. "Biz birlikdə Yaponiyanın Senkaku adaları üzərində idarəçiliyinə qarşı olan istənilən birtərəfli hərəkətə qarşı çıxış edirik", - deyə birgə bəyanatda vurğulanır.

Qeyd edək ki, iki ölkə arasında 1960-cı ildə imzalanmış Qarşılıqlı Əməkdaşlı və Təhlükəsizliyin Təmin Edilməsi barədə Müqavilənin beşinci bəndinə görə, tərəflərin hər biri onun müttəfiqinə qarşı istənilən hərbi müdaxiləni özünün milli təhlükəsizliyinə təhdid hesab edir və bununla əlaqədar olaraq öz Konstitusiyası çərçivəsində müvafiq addımlar atmaq hüququna malikdir.

Milli.Az