İqtisadiyyat

Azərbaycandan ən çox neft idxal edən ölkələr açıqlanıb

20 İyun 2026 19:35

Baxış: 1 970

VTB-də minimal faiz dərəcəsi ilə nağd kredit 9.9%-dən

#NEFT

Bu ilin yanvar-may aylarında Azərbaycandan dünyanın digər ölkələrinə 8,828 milyon ton xam neft və bitumlu süxurlardan əldə edilən neft məhsulları ixrac edilib. Bu ixracın dəyəri 5,121 milyard ABŞ dolları təşkil edib.

Milli.Az xəbər verir ki, bu barədə Dövlət Gömrük Komitəsinin açıqladığı Azərbaycanın xarici ticarətinin gömrük statistikasında bildirilib.

2025-ci ilin eyni dövrü ilə müqayisədə bu göstərici dəyər ifadəsində 522 milyon ABŞ dolları və ya 9,2 faiz, həcm ifadəsində isə 1,535 milyon ton və ya 14,8 faiz azalıb.

Bu ilin yanvar-may aylarında Azərbaycan neftinin ən böyük üç idxalçısı sırasında ilk yeri İtaliya tutub. Bu ölkəyə 5,339 milyon ton neft 3,021 milyard ABŞ dolları dəyərində ixrac olunub. Sonrakı yerlərdə Rumıniya (461,3 min ton, 247,8 milyon ABŞ dolları) və Çexiya (433,1 min ton, 245,7 milyon ABŞ dollarından çox) qərarlaşıb.

Cədvəldə 2026-cı ilin yanvar-may aylarında Azərbaycandan ən çox xam neft və neft məhsulları idxal edən 10 ölkə göstərilib:

Ölkə	İdxal həcmi	İdxal dəyəri (ABŞ dolları ilə)
İtaliya	5 338 870,83	3 020 824 700
Rumıniya	461 317,25	247 844 980
Çexiya	433 064,35	245 721 480
Portuqaliya	395 031,62	221 958 010
Almaniya	360 299,00	210 855 820
Tunis	307 167,03	187 605 080
Yunanıstan	284 374,74	182 764 510
Bolqarıstan	277 990,61	182 322 500
Xorvatiya	276 342,95	162 720 430
Tailand	137 360,18	103 328 320
Digər	556 733,81	355 432 330

Qeyd edək ki, Azərbaycandan çıxarılan neft qonşu ölkələrə və dünya bazarlarına üç neft kəməri vasitəsilə nəql olunur: Bakı-Novorossiysk, Bakı-Supsa və Bakı-Tbilisi-Ceyhan (BTC). Hazırda Bakı-Supsa kəməri ilə neftin ixracı dayandırılıb.

Müəllif: Ülkər Vəliyeva (Milli.Az redaktor)